បរទេស៖ អង្គការណាសាគ្រោងបញ្ជូនបាឡុងដ៏ធំសម្បើមមួយ ទៅក្បែរបរិយាកាសរបស់ផែនដី ដើម្បីស្វែងយល់ពីអាថ៌កំបាំងអំពីរបៀប ដែលផ្កាយនិងភពកកើត។ បេសកកម្ម ASTHROS នឹងចេញដំណើរពីទ្វីបអង់តាក់ទិក នៅខែធ្នូ ឆ្នាំ២០២៣ ហើយចំណាយពេល៣សប្ដាហ៍ នៅបរិយាកាសនៃស្រទាប់អូហ្សូន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សសមាសធាតុរបស់វារួមមាន បាឡុងទំហំប៉ុនតារាងបាល់ទាត់មួយ និងតេឡេទស្សន៍អាំងប្រាក្រហម ដែលត្រូវបានរចនាឡើងដើម្បីអាចចាប់ពន្លឺ ដែលភ្នែកមនុស្សធម្មតាមិនអាចមើលឃើញ។ វិស្វករមន្ទីរពិសោធន៍ Jet Propulsion Laboratory របស់អង្គការណាសា នឹងចាប់ផ្ដើមការធ្វើតេស្ដនៅខែក្រោយ។
អង្គការណាសាបានបញ្ជាក់ថា នៅពេលបាឡុងនេះរីកប៉ោង វានឹងមានប្រវែងរហូតដល់១២១ម៉ែត្រ។ នៅលើបាឡុងនេះមានបំពាក់ឧបករណ៍ពិសេសៗដូចជា ប្រព័ន្ធតេឡេទស្សន៍អាំងប្រាក្រហម និងប្រព័ន្ធត្រជាក់ពិសេស ដែលអាចរក្សាសីតុណ្ហភាពឧបករណ៍អាំងប្រាក្រហម ឲ្យនៅត្រឹមសូន្យ ឬក៏សីតុណ្ហភាពត្រជាក់បំផុតដែលវាអាចធ្វើបាន។
តេឡេទស្សន៍ ASTHROS ប្រើរលកពន្លឺអាំងប្រាក្រហមឆ្ងាយ ដែលមិនអាចមើលឃើញដោយភ្នែកមនុស្ស ហើយវាចាប់រូបភាពឆ្លុះចូលទៅឧស្ម័នក្រាស់នៃផ្នែកក្នុងលំហ ដែលផ្កាយបានកកើត។ បាឡុងនឹងហោះនៅក្រោមព្រំដែននៃលំហ ដែលមានរយៈកម្ពស់ប្រហែល ៣៩គីឡូម៉ែត្រ។ ក្រុមការងារអាចគ្រប់គ្រងតេឡេទស្សន៍ពីលើដី និងទាញយកទិន្នន័យរបស់វា សម្រាប់ការវិភាគភ្លាមៗ៕