រឿងរ៉ាវបែបនេះសោះ ទើប Arthur Melo ចង់ចាកចេញពីទឹកដី Camp Nou កាន់តែឆាប់កាន់តែល្អ

របាយការណ៍ពីកាសែត Marca បានលើកឡើងថា Arthur បានជូនដំណឹងដល់ក្លិប Barcelona ថាគាត់មិនចង់លេងឱ្យក្លិបនៅប្រកួតបន្ទាប់ទៀតនោះទេ។

ទាក់ទិននឹងការផ្ទេរទៅកាន់ក្លិប Juventus គ្រូបង្វឹកក្រុមអ្នកមានបុណ្យលោក Quique Setien លែងឱ្យខ្សែបម្រើសញ្ជាតិប្រេស៊ីលរូបនេះលេងទៀតហើយមុននឹងបញ្ចប់រដូវកាលនៃក្របខណ្ឌ LaLiga Santander ហើយ Arthur ក៏មិនសប្បាយចិត្តនឹងការដែលចាត់ទុកគាត់បែបនេះផងដែរ។

មួយវិញទៀត Arthur មិនមានឈ្មោះក្នុងបញ្ជីឈ្មោះកីឡាករនោះទេ ពេលដែលគ្រូបង្វឹកកោះហៅកីឡាករទាំងអស់មកធ្វើតេស្តរកមេរោគ Covid-19 ។ កីឡាករ Blaugrana ទាំងអស់បានធ្វើតេស្តដោយទទួលបានលទ្ធផលអវិជ្ជមានកាលពីថ្ងៃចន្ទនេះ។

ជាការកត់សម្គាល់ Arthur បានស្នើសុំឱ្យ Barcelona បញ្ចប់កិច្ចសន្យាដែលនៅសេសសល់របស់គាត់ ដោយមិនចង់លេងឱ្យ Barcelona បន្តទៀតនៅក្របខណ្ឌ Champions League នោះទេ ហើយបច្ចុប្បន្នភាគីខាងក្លិបកំពុងពិភាក្សាដើម្បីសម្រេចរឿងនេះ៕

ប្រភព៖ Tribal Football