ទំនេរៗ Justin នាំប្រពន្ធដើរលេង ថតរូបស្ទាយ៍ប្លែកទៀតហើយ

បរទេស៖ កាលពីព្រឹកមិញនេះ តាមរយៈគណនីបណ្តាញសង្គមអ៊ីនស្ដាក្រាមរបស់ តារាចម្រៀងកាណាដា Justin Bieber បានបង្ហោះរូបភាពជាមួយនឹងភរិយា Hailey Bieber ដែលបង្ហាញពីសកម្មភាព ដំណើរកម្សាន្តលំហែរកាយពេលទំនេរ មើលទៅមានសេចក្តីសុខខ្លាំង។

ក្នុងនោះដែរ តារាចម្រៀងរូបនេះ បាននាំប្រពន្ធ ទៅធ្វើការលំហែរកាយតាមរបៀប Picnicមួយកន្លែង បង្អួតពីភាពផ្អែមល្អែមល្អូកល្អើនដូចស្រមោចនិងស្ករ ដោយមានរូបមួយសន្លឹកក្នុងចំណោមបីសន្លឹក ដែលបង្ហាញពីការសម្រាកគេងលេងនៅលើស្មៅក្រាលក្រណាត់ ព្រមទាំងមានគ្រឿងអាហារសម្រាប់បរិភោគផងដែរ មើលទៅមានក្ដីសុខខ្លាំង គួរឲ្យច្រណែនខ្លាំងណាស់។

ក្រោយពីឃើញ សកម្មភាពរបស់តារាប្រុស ទាំងនេះរួចមក ហ្វេនជាច្រើនបានបញ្ចេញមតិសរសើរផងនិង ច្រណែនផងដែលតារាប្រុសស្រី ប្តីប្រពន្ធមួយគូនេះ សម្តែងពីការយកចិត្តទុកដាក់នឹងគ្នា ដោយឆ្លៀតពេលទំនេរដើរលេងជាមួយគ្នាជានិច្ច៕

សូមចូលមើលរូបភាពខាងក្រោម៖