ថៃ៖ ថ្មីៗនេះ តារាសម្តែងប្រុសស្រីលោក Great Warintorn កញ្ញា Kimmy Kimberley និងកញ្ញា Mint Chalida នឹងបង្ហាញរឿងភាគថ្មីរបស់ពួកគេក្នុងពេលឆាប់ៗនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. តារាសម្តែងលោក Great Warintorn
កាលពីថ្ងៃទី ២៦ ខែកក្កដា តារាសម្តែងប្រុសលោក Great Warintorn បានចូលរួមក្នុងកម្មវិធី "3 Zaap" ដោយតារាសម្តែងរូបនេះបានបង្ហើបថា រឿងភាគថ្មីដែលមានចំណងជើង “Dao Kon La Duang” ទើបនឹងថតចប់កាលពីថ្មីៗនេះ។
មិនតែប៉ុណ្ណោះ លោកក៏បានបង្ហើបថានឹងមានរឿងភាគថ្មីចំនួន ២រឿងផ្សេងទៀត។ បើតាមឲ្យដឹង លោក Great Warintorn នឹងដើរតួជាមួយនឹងតារាសម្តែងស្រីកញ្ញា Ice Preechaya ។ រីឯ រឿងភាគថ្មីមួយទៀតមិនទាន់បានដឹងថា អ្នកណាជាតួស្រីក្នុងរឿងនៅឡើយទេ។
២. តារាសម្តែងស្រីកញ្ញា Kimmy Kimberley
កញ្ញា Kimmy Kimberley បានបង្ហើបឲ្យដឹងថា នាងកំពុងរៀបចំរៀបចំតុបតែងខ្លួនឲ្យត្រូវនឹងតួអង្គនៅក្នុងរឿងភាគថ្មីសម្រាប់ខែក្រោយនេះ។ ប៉ុន្តែ Kimberley មិនទាន់បានបង្ហើបថា តើអ្នកណាដែលត្រូវសម្តែងជាមួយនឹងនាងឡើយ។
៣. តារាសម្តែងស្រីកញ្ញា Mint Chalida
សម្រាប់តារាស្រីកញ្ញា Mint Chailda នឹងមានរឿងភាគថ្មីក្នុងពេលឆាប់ៗនេះ។ តារាសម្តែងរូបនេះបានបង្ហើបថា នាងនឹងត្រូវចាប់ដៃគូជាមួយតារាប្រុសដែលធ្លាប់បានសម្តែងជាមួយគ្នាកាលពីមុន៕