អ្នកណាថា វ័យច្រើនតែងខ្លួនមិនស្អាត! មើល ម៉េង កែវពេជ្ជតា តែងបុរាណ ស្អាតក្រមុំៗសុំខ្មាស

ភ្នំពេញ៖ កំពូលតារាចម្រៀងស្រីជើងចាស់ អ្នកនាង ម៉េង កែវ ពេជ្ជតា ជាតារាចម្រៀងម្នាក់ដែលមានសម្លេងពីរោះខ្លាំងតែម្ដង ម្យ៉ាងវិញទៀត តារាស្រីរូបនេះ កាន់តែទទួលបានប្រជាប្រិយភាពកាន់តែខ្លាំងឡើងៗពីមួយឆ្នាំទៅមួយឆ្នាំ។

យ៉ាងណាមិញ បើទោះបីឈានជើងចូលសិល្បៈយូរឆ្នាំ តែអ្នកនាង ម៉េង កែវពេជ្ជតា នៅតែមានភាពមមាញឹកជាមួយការងារច្រើនជាងមុន សឹងតែគ្មានពេលទំនេរទៅហើយ។ ក្នុងនោះដែរ ពេលនេះ តារាស្រីរូបនេះក៏មានកូនពីរនាក់ មានមុខមាត់ស្រស់ស្អាត ស្រស់សង្ហាទៀតផង។ ជាក់ស្ដែង បើក្រឡេកទៅមើលរូបសម្ផស្សតារាស្រីរូបនេះ នាពេលបច្ចុប្បន្ននេះវិញឃើញថា នាងនៅតែស្រស់ស្អាតផូរផង់ដដែល ហើយស្ទាយ៍តែងខ្លួនក៏ទាន់សម័យ បើទោះបីវ័យកាន់តែជ្រេ មានកូនរួចក៏ដោយ។

តួយ៉ាង ថ្មីៗនេះ អ្នកនាង ម៉េង កែវពេជ្ជតា បានធ្វើឲ្យទស្សនិកជន និងហ្វេនៗជាច្រើនអ្នកភ្លឹកនឹងសម្រស់នាងស្ទើរតែគ្រប់គ្នាតែម្ដង ដោយតារាស្រីរូបនេះ បានស្លៀកនៅឈុតបែបបុរាណ ច្នៃម៉ូតយ៉ាងស្រស់ស្អាត ហើយថែមទាំងមានផ្ការំដួលជាច្រើនទងផងនោះ កាន់តែធ្វើឲ្យសម្រស់តារាស្រីរូបនេះ ស្រស់សោភា លេចធ្លោជាងមុនថែមមួយកម្រិតផងដែរ។ 

ក្រោយស្លៀកឈុតបុរាណមួយនេះរួច បង្ហាញឲ្យឃើញថា អ្នកនាង ម៉េង កែវ ពេជ្ជតា នៅតែមានរូបសម្ផស្សស្រស់ស្អាត ក្មេងចាំជាងវ័យតែម្ដង។ ដោយឡែក បន្ទាប់ពីមហាជនជាច្រើនឃើញរូបភាពថ្មីនេះរួច បានពោលពាក្យសរសើរពីសម្រស់តារាចម្រៀងរូបនេះ សឹងតែមិនដាច់ពីមាត់៕

ប្រភពរូបភាព៖ ប្រសិទ្ធសិរី សំអាងការ

សូមទស្សនារូបភាពខាងក្រោម៖