អបអរសាទរ! Vardy ក្លាយជាកីឡាករវ័យចំណាស់ជាងគេដែលពានរង្វាន់មួយនេះ នៅ Premier League

បើទោះបីជា Leicester City បរាជ័យក្រោមថ្វីជើង Manchester United ក្នុងលទ្ធផល ២ ទល់នឹង ០​ កាលពីយប់ថ្ងៃអាទិត្យក្តី កីឡាករ Vardy ដែលលេងឲ្យក្រុម Leicester City រូបនេះបានឈ្នះស្បែកជើងមាសសម្រាប់ Premier League នារដូវកាលនេះ។

គួរបញ្ជាក់ផងដែរថា Vardy គឺជាកីឡាករសញ្ជាតិអង់គ្លេសវ័យ ៣៣ ឆ្នាំដែលមានន័យថារូបគេគឺជាកីឡាករវ័យចំណាស់ជាងគេដែលបានឈ្នះស្បែកជើងប្រចាំ Premier League នេះ។

កីឡាកររូបនេះបានស៊ុតបញ្ចូលទីចំនួន ២៣ គ្រាប់តាមពីក្រោយដោយកីឡាកររបស់ក្រុមកាំភ្លើងធំ Arsenal គឺ Pierre-Emerick Aubameyang ដោយកីឡាកររូបនេះរកបានចំនួន ២២ គ្រាប់។ យ៉ាងណាមិញកីឡាករ Danny Ings ដែលសព្វថ្ងៃកំពុងលេងឲ្យក្រុម Southampton ក៏រកបាន ២២ គ្រាប់ស្មើនឹងកីឡាករ Aubameyang ផងដែរ៕