រាជនីក្រមា មាន សូនីតា ប៉ះគ្នាលើកដំបូងក្នុងរឿងភាគថ្មីជាមួយ ហ្សូណូ

ភ្នំពេញ៖ កាលពីថ្មីៗនេះតាមរយៈហ្វេសប៊ុករបស់លោក ខាំ ភូរិ ដែលជាផលិតករ និងជាអ្នកដឹកនាំសម្តែងមួយរូបតំណាងឱ្យផលិតរស្មីហង្សមាស បានដឹកនាំក្រុមសិល្បៈករ សិល្បៈការិនី និងក្រុមការងាររបស់លោកជាច្រើនរូបចូលរួមក្នុងពិធីសែនព្រេងរំលឹកដឹងគុណទៅដល់ដូនតាខ្មែរគ្រប់ជំនាន់ដែលបានបន្សល់ទុកនូវកេរដំណែល សិល្បៈ​ វប្បធម៌ជាតិ​ ដ៏ល្អគ្មានពីរសម្រាប់កូនចៅជំនាន់ក្រោយ​។

ផ្អែកទៅតាមរូបភាពជាច្រើនសន្លឹកនៃពិធីនោះ យើងអាចសន្មតបានថាគឺជារឿងភាគខ្មែរដ៏ពិសេសមួយដែលមានបញ្ចូលនូវទម្រង់ល្ខោនខោលផងដែរ ដែលចូលរួមសម្តែងដោយតារាចម្រៀងល្បីឈ្មោះ លោក ហ្សូណូ និងរាជនីក្រមា មាន សូនីតា។

ក្រៅពីតួឯកប្រុសស្រីទាំងពីរ ក៏មាននៅមានវត្តមានតារាសម្តែងល្បីៗ និងតារាចម្រៀងអាជីពរបស់ផលិតកម្មរស្មីហង្សមាសជាច្រើនរូបទៀតដូចជា៖ លោក ឆឹម សក្កដា លោក ប៊ឺរី លោក វង្ស តារារតនា កញ្ញា កែវ សុបញ្ញា និងតារាកិត្តិយសជាច្រើនរូបទៀតផងដែរ។

គួរបញ្ជាក់ផងដែរថា នេះគឺជារឿងទីពីរហើយដែលកញ្ញា មាន សូនីតា បានចូលរួមសម្តែងភាពយន្តភាគជាមួយទូរទស្សន៍ហង្សមាសក្រោយពីទទួលបានការគាំទ្រខ្លាំងតាមរយៈរឿង “ផ្កាថ្ម” កាលពីឆ្នាំ ២០១៨ កន្លងទៅ៕

សូមទស្សនារូបភាពខាងក្រោម៖