បរទេស៖ ផ្អែកតាមស្ថានការណ៍ ខណៈពេលដែល មេរោគCOVID-19 នៅតែបន្តការរីករាលដាល នៅពាសពេញពិភពលោក ហើយនៅមិនទាន់ មានថ្នាំបង្ការទៀតនោះ គណៈកម្មការរៀបចំ ការប្រកួតបវរកញ្ញាពិភពលោក ដែលជាកម្មវិធី មានវ័យចំណាស់ជាងគេមួយ នៅលើពិភពលោកនេះ បានសម្រេចមូលមតិគ្នា លុបការប្រកួត នៅក្នុងឆ្នាំ២០២០នេះ ចោលតែម្តង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាម ការចេញផ្សាយ កាលពីយប់ថ្ងៃទី២៤ ខែកក្កដា កន្លងទៅថ្មីៗនេះ របស់រយៈអង្គការGlobal Beauties បានចេញសេចក្តីជូនដំណឹងថា កម្មវិធីប្រកួតបវរកញ្ញាពិភពលោក ឆ្នាំ២០២០នេះនឹង ត្រូវលុបចោល។ សេចក្តីប្រកាសផ្លូវការនេះ ត្រូវបានធ្វើឡើង ក្នុងពេលដែល ប្រទេសជាច្រើននៅជុំវិញពិភពលោក កំពុងតែជួបប្រទះ នឹងជម្ងឺឆ្លងCOVID-19 ខណៈអ្នកឆ្លងនៅតែបន្តកើនឡើង ជាលំដាប់។
ក្នុងនោះអង្គការGlobal Beauties បានថ្លែងថា៖
យ៉ាងណាមិញ ដំណឹងនេះពិតជាបានធ្វើឲ្យ អ្នកគាំទ្រជាច្រើន បានសម្តែងនៅការ សោកស្តាយជាខ្លាំង។ តែទោះយ៉ាងណាក៏ដោយ ក៏មហាជនជាច្រើន នៅតែបង្ហាញ ការគាំទ្រ ចំពោះចំណាត់ការនិង ការលុបចោលនេះ ដើម្បីការពារការឆ្លងបន្ថែមទៀតផងដែរ៕