ទស្សនៈរបស់មាតាបិតាខ្មែរខ្លះយល់ថា ការឲ្យកូនពាក់គ្រឿងអលង្ការ ជាពិសេសក្មេងស្រី ជារឿងត្រឹមត្រូវ ដែលខ្លះបង្កប់ជាជំនឿ ឬជាលម្អកូន។ លោកវេជ្ជបណ្ឌិត ហ៊ាង រតនា ឯកទេសជំងឺទូទៅបានឲ្យដឹងថា ការលម្អខ្លួនកូនដោយគ្រឿងអលង្ការ ពិតជាមានគ្រោះថ្នាក់ណាស់ទាំងផ្នែកសុខភាព និងសុវត្ថិភាព។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សផលអាក្រក់បានមកពីការពាក់គ្រឿងអលង្ការឲ្យក្មេងមានដូចជា៖
– ការដែលក្មេងចោះត្រចៀកនៅតូចពេក អាចធ្វើឲ្យប៉ះពាល់ត្រចៀកកូនដូចជាដំបៅ រលាក រមាស់ រលួយ
– ដាច់រលាត់ ឬប្រតិកម្មស្បែកជាមួយគ្រឿងអលង្ការ
– មានគ្រោះថ្នាក់ផ្សេងៗ ស្លាក់ ដាច់ទងត្រចៀក រឹបដៃជ្រុល បាត់បង់ជាយថាហេតុ
– គ្រឿងអលង្ការខ្លះមានមេរោគតោងទាម ធ្វើឲ្យឆ្លងមេរោគទៅក្នុងខ្លួន
– ខាតបង់លុយកាក់
– អាចមានគ្រោះថ្នាក់ដល់ក្មេងដោយសារចោរកម្ម
– បណ្ដុះទម្លាប់ក្មេងឲ្យតម្លៃទៅលើទ្រព្យសម្បត្តិក្រៅខ្លួន
– ធ្វើឲ្យក្មេងចេះអួតអាងហ៊ឺហាគ្រឿងអលង្ការ។
លោកបានបន្តទៀតថា ក្មេងៗមិនត្រូវការគ្រឿងអលង្ការលម្អខ្លួននោះទេ ពួកគេត្រូវការតែអាហារដែលមានជីវជាតិគ្រប់គ្រាន់ទ្រទ្រង់រាងកាយ កន្លែងរស់នៅសមរម្យ ការរៀនសូត្រ និងភាពកក់ក្ដៅពីក្រុមគ្រួសារ ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
Bong I.T