ចាកាតា៖ មន្ត្រីគណៈកម្មាធិការអូឡាំពិកឥណ្ឌូណេស៊ី (KOI) បានប្រកាសនៅថ្ងៃសុក្រទី ២៤ ខែកក្កដាថា គណៈកម្មាធិអូឡាំពិកឥណ្ឌូណេស៊ី (KOI) បានស្នើដាក់បញ្ចូលកីឡាចំនួន ៧ ប្រភេទបន្ថែមទៀតឱ្យលេងនៅក្នុងព្រឹត្តិការណ៍ស៊ីហ្គេមឆ្នាំ ២០២១ នៅប្រទេសវៀតណាម។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រព័ន្ធផ្សព្វផ្សាយក្នុងស្រុកបានរាយការណ៍នៅថ្ងៃសុក្រនេះថា សំណើនេះត្រូវបានធ្វើឡើងក្នុងកិច្ចប្រជុំរបស់សហព័ន្ធកីឡាអាស៊ីអាគ្នេយ៍ (SEAGF) ពីថ្ងៃទី ២១ ដល់ ២២ ខែកក្កដាដោយពិភាក្សាពីចំនួនប្រភេទវិញ្ញាសារកីឡាដែលនឹងត្រូវរៀបចំឡើងនៅក្នុងព្រឹត្តិការណ៍កីឡាក្នុងតំបន់។
អគ្គលេខាធិការរងនៃ KOI លោក Wijaya Noeradi មានប្រសាសន៍ថា“ ប្រទេសឥណ្ឌូនេស៊ីបានស្នើដាក់កីឡាចំនួន ៧ ប្រភេទទៀតសម្រាប់ធ្វើការពិចារណានៅក្នុងកិច្ចប្រជុំ” ។
គណៈកម្មាធិការរៀបចំការប្រកួតកីឡាស៊ីហ្គេមឆ្នាំ ២០២១ បានស្នើឱ្យមានកីឡាចំនួន ៣៦ ប្រភេទត្រូវដាក់ឱ្យប្រកួតក្នុងព្រឹត្តិការណ៍កីឡាអន្តរជាតិនេះ។ ហើយប្រភេទវិញ្ញាសារកីឡាទាំង ៧ ដែលស្នើដោយប្រទេសឥណ្ឌូនេស៊ីរួមមាន៖ កីឡា Triathlon, Bowling, E-Sport, Sambo, Modern pentathlon, Ju Jitsu និងកីឡា Teqball ។
លោក Wijaya Noeradi បានមានប្រសាសន៍បន្ថែមថា ចំនួនប្រភេទកីឡាដែលត្រូវប្រកួតប្រជែងក្នុងព្រឹត្តិការណ៍កីឡានេះនឹងត្រូវប្រកាសជាផ្លូវការ ១២ ខែមុនពេលព្រឹត្តិការណ៍កីឡាចាប់ផ្តើមធ្វើចាប់ពីថ្ងៃទី ២១ ខែវិច្ឆិកាដល់ថ្ងៃទី ២ ខែធ្នូឆ្នាំក្រោយ៕
សូមទស្សនារូបភាពនៃកីឡាទាំង ៧ ប្រភេទដូចខាងក្រោម៖
ប្រភព៖ ទីភ្នាក់ងារសារព័ត៌មានស៊ីនហួរ