អ៊ីតាលី៖ ក្រុម Lazio បានដណ្តើមយកកៅអីក្នុងក្របខ័ណ្ឌ Champions League ខណៈដែលអ្នកស៊ុតបាល់បញ្ចូលទីនាំមុខគេគឺ Ciro Immobile បានរកគ្រាប់បាល់ឈ្នះដើម្បីផ្តួលក្រុម Cagliari ក្នុងលទ្ធផល ២-១ កាលពីថ្ងៃព្រហស្បតិ៍។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Giovanni Simeone បានជួយឲ្យក្រុម Cagliari នាំមុខមុននៅតង់ទី ១ ប៉ុន្តែកីឡាករ Sergej Milinkovic-Savic បានរកគ្រាប់បាល់តាមស្មើនៅ ២ នាទីបន្ទាប់ពីការសម្រាកនិង Immobile បានរកគ្រាប់បាល់បញ្ចូលទីនៅម៉ោងដដែលជាមួយនឹងគ្រាប់បាល់ទី ៣១ របស់គាត់ក្នុងរដូវកាលនេះ។
ក្រុម Lazio ឈរនៅលេខ ៤ មាន ៧២ ពិន្ទុ និងបានឈរនៅចំណាត់ថ្នាក់លេខ ២ ក្នុងលីគកំពូលរបស់អ៊ីតាលីក្នុងការប្រកួតប្រជែងរបស់ក្លឹបនៅអឺរ៉ុបនារដូវកាលក្រោយនៅពេលដែលពួកគេបានវិលទៅកាន់ក្របខ័ណ្ឌ Champions League សាជាថ្មីបន្ទាប់ពីអវត្តមានអស់រយៈពេល ១៣ ឆ្នាំ។
ជាមួយនឹងការប្រកួតនៅសល់ ៣ ប្រកួតទៀត ក្រុម Lazio នៅតែមានឱកាសយកឈ្នះមេដឹកនាំក្រុម Juventus ដែលចាញ់ ២-១ ក្រុម Udinese កាលពីព្រឹកថ្ងៃព្រហស្បតិ៍ និងមាន ៨០ ពិន្ទុ។
Immobile បាននិយាយថា “ ខ្ញុំសប្បាយចិត្តណាស់ វាជាការត្រឹមត្រូវក្នុងការអបអរដល់ការសម្រេចគោលដៅដ៏សំខាន់សម្រាប់យើងដែលយើងទទួលបានជោគជ័យ ៣ ប្រកួតរួចមកហើយនោះ។
"យើងមានមោទនភាព ទោះបីមានការលំបាកដែលយើងបានជួបប្រទះបន្ទាប់ពីការជាប់គាំងក៏ដោយ។ នេះគឺជាអ្វីដែលក្រុម Lazio ធ្វើមិនបានសម្រេចរាប់ឆ្នាំមកហើយ" ។
ខ្សែប្រយុទ្ធ Joao Pedro របស់ Cagliari បានរកគ្រាប់បាល់ដោយការទាត់បាល់ពិន័យ Free-kick យ៉ាងលឿនតែវាមិនត្រូវបានអនុញ្ញាតទេ ព្រោះអាជ្ញាកណ្តាលបានបង្ហាញថាវាជាការប្រយោល។
ទោះយ៉ាងណា កីឡាករ Milinkovic-Savic បានទាត់បំប៉ោងសំណាញ់ឱ្យក្រុម Lazio វិញនៅ ២ នាទីបន្ទាប់ពីសម្រាក ហើយបន្ទាប់ពីវាយបកតាមស្មើក្រុម Cagliari នោះ កីឡាករ Immobile ក៏បានស៊ុតបាល់បញ្ចូលទីឱ្យក្រុម Lazio មួយគ្រាប់ទៀតដើម្បីដណ្តើមបានជ័យជម្នះលើក្រុម Cragno នៅម៉ោងដដែលនោះ៕
ប្រភព៖ ESPN