អេស៉្បាញ៖ បើតាមគេហទំព័រ RAC1 បានឲ្យដឹងថាក្លិប Barcelona កំពុងដាក់គោលដៅធំតាមទិញខ្សែការពារកណ្តាលរបសល់ក្លិប Villarreal កីឡាករ Pau Torres មកជួយពង្រឹងជើងក្រោមរបស់ក្លិបបន្ថែម នៅទីផ្សារដោះដូរខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរឲ្យដឹងដែរថា តារាវ័យ២៣ឆ្នាំរូបនេះបង្ហាញទម្រង់លេងបានយ៉ាងល្អឲ្យ Villarreal នៅរដូវកាលនេះ ដោយអាចឡើងទៅរកគ្រាប់បាល់បាន២គ្រាប់និងបោះបាល់ឲ្យមិត្តរូមក្រុមបាន២ដងផងដែរ ក្នុងការបង្ហាញខ្លួន៣៦ប្រកួតឲ្យក្លិប។ ក្រៅពីនេះ Torres ក៏ជាតួរសំខាន់មួយរូប ដែលបានជួយឲ្យក្លិបមួយនេះបញ្ចប់រដូវកាលក្នុងចំណាត់ថ្នាក់ល្អគួរសមគឺនៅលេខ៥។
ដោយឡែក នៅមានក្លិបធំៗ២ទៀតនៅអង់គ្លេសដែលកំពុងតាមប្រមាញ់កីឡាករជម្រើសជាតិអេស៉្បាញរូបនេះ ពោលគឺក្លិប Chelsea និង Manchester City ។ ប៉ុន្តែបើតាមរបាយការណ៍បានបញ្ជាក់ថា Barca កំពុងតែញាប់ដៃញាប់ជើងតាមទិញ Pau Torres ឲ្យបាននៅរដូវក្ដៅនេះ ដោយចង់បានរូបគេមកជំនួសកីឡាករដែលមានរបួសច្រើន Samuel Umtiti ។ យ៉ាងណាមិញ កីឡាកររូបនេះត្រូវបានគេប៉ាន់ស្មានថាអាចនឹងមានតម្លៃខ្លួនមិនក្រោមពី ៥០លានអឺរ៉ូ (ឬប្រមាណ៥៨លានដុល្លារ) នោះទេ៕
ប្រភព៖ sportsmole