អ្នកណាហ្វេនខ្លះ ត្រៀមៗ Taylor Swift ត្រឡប់មកវិញជាមួយអាល់ប៊ុមថ្មី ចេញផ្លូវការថ្ងៃនេះហើយ

បរទេស៖ កាលពីម្សិលមិញនេះ នៅលើបណ្តាញសង្គម Instagram របស់តារាចម្រៀងប៉ុប Taylor Swift បានបង្ហោះរូបថតជាច្រើនសន្លឹកពណ៌សខ្មៅរបស់នាង ដែលកំពុងឈរនៅកណ្តាលព្រៃយ៉ាងស្ងប់ស្ងាត់ ដោយបានប្រកាសថា នឹងចេញអាល់ប៊ុមថ្មីនៅថ្ងៃទី ២៤ ខែកក្កដា ធ្វើឲ្យអ្នកគាំទ្ររំភើបខ្លាំង ហើយក៏គិតស្មានថា បទចម្រៀងដែលតារារូបនេះ ត្រៀមនឹងចេញនេះ បើមើលតាមរូបភាព ដែលបង្ហោះគឺប្រហែលជាអាល់ប៊ុមដែលមានអត្ថន័យឈឺចាប់ក្រៀមក្រំខ្លាំងណាស់ហើយមើលទៅ។

ក្នុងនោះដែរ តារាចម្រៀងវ័យ ៣១ឆ្នាំរូបនេះ បានសរសេរថា៖

ស្របគ្នានេះដែរ Taylor Swift  បានប្រកាសណែនាំអាល់ប៊ុមថ្មីរបស់ខ្លួន ក្នុងពេលតែមួយជាមួយនឹង Kanye West ដែលជាដៃគូប្រជែងក្នុងវិស័យចម្រៀងជាមួយគ្នាផងដែរ ធ្វើឲ្យអ្នកគាំទ្រគិតថានឹងមានការប្រកួតប្រជែងគ្នាយ៉ាងខ្លាំង រវាងតារាទាំងពីរនៅលើតារាងតន្រ្តីឆាប់ៗនេះ។

គួរបញ្ជាក់ផងដែរថា ចាប់តាំងពីការផ្ទុះឡើងនៃ Covid-19 មក Taylor Swift ហាក់បីដូចជា ងាកមកជិតស្និទ្ធជាមួយបណ្ដាញសង្គមច្រើន។ ជាពិសេសនៅលើគណនីបណ្ដាញសង្គមផ្ទាល់ខ្លួននាង នាងតែងបង្ហាញពីជីវិតរស់នៅប្រចាំថ្ងៃរបស់នាងច្រើន តែមិនដែលបង្ហាញពីការត្រលប់មកវិញណាមួយឡើយ។ ហើយចំពោះ អាល់ប៊ុមថ្មីនេះដែរ ត្រូវបានគេរំពឹងថានឹងធ្វើទទួលបានជោគជ័យខ្លាំង ដូចទៅនឹងអាល់ប៊ុម Lover របស់នាង ដែលលក់ដាច់ខ្លាំងបំផុតនៅឆ្នាំ 2019 ផងដែរ៕

ទស្សនារូបភាពខាងក្រោម៖។