វ៉ាស៊ីនតោន៖ កាលពីថ្ងៃព្រហស្បតិ៍ម្សិលមិញនេះ សហរដ្ឋអាមេរិកនិងអង់គ្លេស បានធ្វើការចោទប្រកាន់ទៅលើប្រទេសរុស្ស៊ី​​ ​ចំពោះសកម្មភាពធ្វើតេស្តអាវុធប្រឆាំងប្រព័ន្ធផ្កាយរណបមួយ​នៅ​ទីអវកាស ក៏ដូចជាការដាក់ពង្រាយប្រព័ន្ធអាវុធ ដែល​អាចបង្កការគំរាមកំហែងដល់ផ្កាយរណបរបស់សហរដ្ឋអាមេរិក ​​និងប្រទេសដទៃទៀត។

ផ្កាយរណបប្រទេសចិននិងរុស្ស៊ី ​បាននឹងបង្កការគំរាមកំហែងដល់ផ្កាយរណបប្រទេសផ្សេងទៀត

ដោយឡែកក្រសួងការពារជាតិរុស្ស៊ីបានឱ្យដឹងថា ព្រឹត្តិការណ៍កាលពីថ្ងៃទី ១៥ ខែកក្កដា ​គឺពាក់ព័ន្ធទៅនឹងយានអវកាសតូចមួយ ដែល​មាននាទីគ្រាន់តែអង្កេតផ្កាយរណបជាតិមួយពីចម្ងាយដោយប្រើឧបករណ៍ពិសេស ហើយបន្ទាប់មក វាក៏បញ្ជូនព័ត៌មានដែលបាន​ត្រួតពិនិត្យទាំងនោះ ត្រឡប់មកមូលដ្ឋាននៅលើផែនដីវិញ​តែប៉ុណ្ណោះ។ ប៉ុន្តែបើទោះយ៉ាងណាក្តី សហរដ្ឋអាមេរិកបាននិយាយថា សកម្មភាពរបស់រុស្ស៊ី គឺមិន​សមស្របទៅនឹងបេសកកម្ម ដូចដែល​ខ្លួនបាន​អះអាងខាងលើនោះ​ឡើយ។

​អង់គ្លេសបានចោទប្រកាន់រុស្ស៊ី ថា កំពុងប្រែទីអវកាសទៅជាទីកន្លែងប្រឈមមុខដាក់គ្នា

​យោងតាមឯកសារយុទ្ធសាស្ត្រអវកាសរបស់​មន្ទីរប៉ង់តាហ្គោន​​ ដែល​ចេញផ្សាយកាលពីខែមុនបានអះអាងថា ប្រទេសចិននិងរុស្ស៊ី​បាននឹងកំពុងបង្កការគំរាមកំហែងជាយុទ្ធសាស្ត្រធំបំផុត ​តាមរយៈការអភិវឌ្ឍ ការធ្វើតេស្ត និងការដាក់ពង្រាយអាវុធប្រឆាំងប្រព័ន្ធផ្កាយរណបជាបន្តបន្ទាប់ ក្នុងគោលបំណងពង្រីកឥទ្ធិពល​នៅទីអវកាស ហើយប្រទេសទាំងពីរ ក៏កំពុងប្រែទីអវកាសទៅជាទីកន្លែងប្រឈមមុខដាក់គ្នា រវាងប្រទេសមហាអំណាចដែរ៕

អ្នកជំនាញគោលនយោបាយអវកាសបាននិយាយថា ការព្រួយបារម្ភ​របស់អាមេរិកនិងអង់គ្លេស ចំពោះសកម្មភាពរុស្ស៊ី គឺសមហេតុផល

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ