អាហ្វហ្គានីស្ថាន៖ ក្មេងស្រីជំទង់ម្នាក់ និងប្អូនប្រុសរបស់នាងបានសម្លាប់សកម្មប្រយុទ្ធតាលីបង់ ២ នាក់ដែលបានសម្លាប់ឪពុកម្តាយរបស់ពួកគេនៅក្នុងខេត្ត Ghor ប្រទេសអាហ្វហ្គានីស្ថាន។ អ្នកនាំពាក្យខេត្ត Ghor លោក Arif Aber បានប្រាប់ CNN កាលពីថ្ងៃពុធថា Qhamar Gul អាយុ ១៥ ឆ្នាំនិងប្អូនរបស់ប្រុសនាងឈ្មោះ Habibullah បានប្រើកាំភ្លើង AK-47 វាយបកទៅវិញ នៅពេលផ្ទះរបស់ពួកគេត្រូវបានសកម្មជនវាយប្រហារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួរជម្រាបដែរថា ឪពុករបស់អ្នកទាំងពីរគឺជាព្រឹទ្ធាចារ្យកុលសម្ព័ន្ធ និងអ្នកគាំទ្ររដ្ឋាភិបាល។ ហើយម្តាយរបស់ពួកគេវិញ ត្រូវបានសម្លាប់ដោយក្រុមបះបោរនៅម៉ោងប្រហែលម៉ោង១ គឺម៉ោងក្នុងស្រុកថ្ងៃទី ១៦ ខែកក្កដា នៅស្រុក Tyora ផងដែរ។
កាលពីថ្ងៃទី ២៩ ខែកុម្ភៈ សហរដ្ឋអាមេរិក និងតាលីបង់បានចុះហត្ថលេខាលើកិច្ចព្រមព្រៀងជាប្រវត្តិសាស្ត្រ ដែលកំណត់សក្តានុពលនៃការដកកងទ័ពអាមេរិកចេញពីអាហ្វហ្គានីស្ថាន។
កិច្ចព្រមព្រៀងដើម្បីនាំមកនូវសន្តិភាពដល់ប្រទេសអាហ្វហ្គានីស្ថាន និងបង្ហាញពីការប្តេជ្ញាចិត្តពីសហរដ្ឋអាមេរិក និងតាលីបង់ទាក់ទងទៅនឹងការដកកងទ័ពការប្រឆាំងភេរវកម្មនិងកិច្ចពិភាក្សារវាងអាហ្វហ្គានីស្ថានក្នុងគោលបំណងនាំមកនូវ “ បញ្ឈប់ធ្វើសង្រ្គាមជាអចិន្ត្រៃយ៍និងសន្តិភាព” ។
ទោះយ៉ាងណានៅក្នុងខែបន្ទាប់ពីការចុះហត្ថលេខាលើកិច្ចព្រមព្រៀងនេះពួកតាលីបង់បានបង្កើនការវាយប្រហាររបស់ខ្លួនទៅលើសម្ព័ន្ធមិត្តអាហ្វហ្គានីស្ថានរបស់អាមេរិកដល់កម្រិតខ្លាំងជាងមុន បើយោងតាមទិន្នន័យដែលបានផ្តល់ឱ្យអធិការដ្ឋាន ពិសេសរបស់មន្ទីរបញ្ជាការសម្រាប់អាហ្វហ្គានីស្ថាន។ ប៉ុន្តែនៅប្រទេសអាហ្វហ្គានីស្ថាននៅតែមានការវាយប្រហារឥតឈប់ឈរទៅលើកម្លាំងការពារជាតិនិងសន្តិសុខជាតិអាហ្វហ្គានីស្ថានក៏ដោយក៏នៅថ្ងៃទី ១៤ ខែកក្កដា មន្ទីរបញ្ជាការបានប្រកាសថាសហរដ្ឋអាមេរិកបានដកទ័ពចេញពីមូលដ្ឋានចំនួន ៥ នៅក្នុងប្រទេសអាហ្វហ្គានីស្ថាន និងបានកាត់បន្ថយទំហំនៃកងកម្លាំងរបស់ខ្លួននៅក្នុងប្រទេសនេះ៕
ប្រភព:CNN