Sam Yuranunt និងភរិយា ចាស់ៗអស់ហើយ នៅស្វីតដដែល

ថៃ៖ កំពូលតារាសម្ដែងជើងចាស់ ដែលបានប្រឡូកក្នុងវិស័យភាពយន្តថៃ រយៈពេលជាង ២០ឆ្នាំមកនេះ តារាប្រុស Sam Yuranunt នៅតែមានប្រជាប្រិយភាពខ្លាំងដដែល ពិសេស រូបសម្បត្តិរបស់លោកផ្ទាល់គឺនៅតែសង្ហាមិនប្ដូរ បើទោះបីជាពេលនេះ លោកមានវ័យជ្រេក្បែរ ៦០ឆ្នាំទៅហើយក្ដី។

ដោយឡែកងាក មកមើលអំពីជីវិតគ្រួសាររបស់តារាប្រុសសាច់ចាំរូបនេះវិញ យើងឃើញថា ចំណង ស្នេហ៍រវាងលោក និង ភរិយាបណ្ដូចិត្តរបស់លោក បានចាប់ដៃសាងគ្រួសារជាមួយគ្នាយូរឆ្នាំ រហូតមានកូនធំៗជិតក្រមុំកម្លោះ អស់ទៅហើយក៏ពិតមែន ប៉ុន្តែ កាលពីប៉ុន្មានម៉ោងមុននេះ តារាប្រុសរូបនេះ នៅតែឆ្លៀតពេលវេលា លំហែជាមួយភរិយាទៅ ទទួលទានអាហារឆ្ងាញ់ៗ មើលបរិយាកាសល្អៗ ជាមួយគ្នា យ៉ាងរ៉ូមែនទិក មិនឲ្យចាញ់គូស្នេហ៍វ័យក្មេង ស្រករក្រោយឡើយ។

ដោយតាមរយៈរូបភាពដ៏សែន ផ្អែមល្ហែមអស់ទាំងនោះ ដែលបង្ហោះនៅលើគណនីអ៊ីនស្តាក្រាមរបស់តារាប្រុសរូបនេះ មានអ្នកគាំទ្រជាច្រើន បាននាំគ្នា សរសើរអំពីចំណងទំនាក់ទំនងរបស់ប្ដីប្រពន្ធវ័យចំណាស់មួយគូនេះមិនដាច់ពីមាត់ ពិសេសក្មេងៗល្មមៗអាចឃើញហើយសុំខ្មាសក៏ថាបានដែរ៕

ទស្សនារូបភាពខាងក្រោម៖