អង់គ្លេស៖ យោងតាមសេចក្ដីរាយការណ៍បានឲ្យដឹងថា ក្លិបកាំភ្លើងធំ Arsenal បានត្រៀមរួចរាល់ ក្នុងការដំឡើងប្រាក់ពលកម្មកីឡាករ Pierre-Emerick Aubameyang ឡើងដល់២៥ម៉ឺនផោន (ឬប្រមាណ ៣១ម៉ឺនដុល្លារ) ក្នុងសប្ដាហ៍ ដើម្បីចងជើងខ្សែប្រយុទ្ធរូបនេះ ឲ្យនៅកីឡដ្ឋាន Emirates បន្ត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកុងត្រាបច្ចុប្បន្នរបស់ Aubameyang នៅមានសុពលភាពត្រឹម១២ខែទៀតប៉ុណ្ណោះ ខណៈអ្នកចាត់ការទូទៅលោក Mikel Arteta មានបំណងចង់រក្សាជម្រើសជាតិកាបុងរូបនេះ ឲ្យបន្តធ្វើជាខ្សែប្រយុទ្ធជួរមុខ ក្នុងក្រុមរបស់លោកនៅរដូវកាលក្រោយៗទៀត។
ជាមួយគ្នានេះ បើយោងតាមការចុះផ្សាយរបស់កាសែត Telegraph ក្លិបកាំភ្លើងធំ គ្រោងដំឡើងថ្លៃឈ្នួលនឿយហត់របស់ Aubameyang ដែលទទួលបានបច្ចុប្បន្ន ពី ១សែន៩ម៉ឺន៨ពាន់ផោន ក្នុងសប្ដាហ៍ ឡើងដល់ ២សែន៥ម៉ឺនផោន ក្នុង១សប្ដាហ៍ ដើម្បីឲ្យជើងស៊ុតរូបនេះ យល់ព្រមបន្តកុងត្រាថ្មី។
យ៉ាងណាមិញ កំឡុងពេល Aubameyang មិនទាន់ព្រមព្រៀងកុងត្រាថ្មីនេះ មានក្លិបចំនួន២ គ្រោងឆ្មក់យករូបគេ ចេញពី Arsenal ក្នុងនោះរួមមានក្លិបអ្នកមានបុណ្យ Barcelona នឹងក្លិបយក្សអ៊ីតាលី Inter Milan ។
គួររម្លឹកថា ខ្សែប្រយុទ្ធវ័យ៣១ឆ្នាំ បានផ្ទេរពីក្លិប Dormund មកកាន់ភាគខាងជើងទីក្រុងឡុងដ៍ បាន២ឆ្នាំហើយ។ គិតមកទល់ពេលនេះ គេបង្ហាញខ្លួនបាន ១០៧ប្រកួត ស៊ុតបញ្ចូលទីបាន៦៦គ្រាប់ និងបញ្ជូនបាល់ឲ្យមិត្តរួមក្រុមបញ្ចប់ទីបាន ១៤ដង៕
ប្រភព៖ dailymail