អង់គ្លេស៖ ក្លិបកាំភ្លើងធំ Arsenal ត្រូវបានគេរាយការណ៍មកថា បានដាក់គោលដៅផ្ទេរយកខ្សែបម្រើឆ្នើមរបស់ក្រុម Aston Villa កីឡាករ Douglas Luiz នៅទីផ្សារដោះដូររដូវក្ដៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សចាប់តាំងពីចាកចេញពីក្រុម Manchester City ក្នុងឆ្នាំ២០១៩ មក Luiz បានអភិវឌ្ឍន៍ខ្លួនក្លាយជាកីឡាករសំខាន់មិនអាចខ្វះបានម្នាក់របស់ Aston ពោល គេបង្ហាញខ្លួនបាន៣៥ប្រកួតឯណោះ ក្នុងក្របខណ្ឌ Premier League រដូវកាលនេះ ក្នុងនោះគេស៊ុតបញ្ចូលទីបាន៣គ្រាប់ និង បញ្ជូនបាល់ឲ្យមិត្តរួមក្រុមបញ្ចប់ទីបាន២ដង។
យ៉ាងណាមិញ ទម្រង់លេងដ៏ល្អនេះ បានទាក់ចិត្តក្លិបចាស់របស់គេ។ ប៉ុន្តែបើយោងតាមការចុះផ្សាយរបស់កាសែត 90min ក្លិប Man City ទំនងត្រូវធ្វើការប្រជែងជាមួយ Arsenal ដោយសារតែអ្នកចាត់ការទូទៅក្រុមកាំភ្លើងធំ លោក Mikel Arteta ក៏មានការពេញចិត្តនឹងសមត្ថភាពរបស់ខ្សែបម្រើវ័យ២២ឆ្នាំរូបនេះ។
ជាមួយគ្នានេះ Luiz ក៏អាចនឹងចាកចេញពី Aston ផងដែរ ដោយសារតែក្លិបមួយនេះ កំពុងប្រឈមនឹងធ្លាក់ទៅលេងនៅលីគលំដាប់ទី២រដូវកាលក្រោយ តួយ៉ាងបច្ចុប្បន្នពួកគេកំពុងឈរចំណាត់ថ្នាក់លេខ១៧ ក្នុងតារាង Premier League មាន៣៤ពិន្ទុស្មើគ្នាជាមួយក្រុមលេខ១៨ Watford ដែលស្ថិតនៅតំបន់គេកាត់ចោល ៕
ប្រភព៖ sportsmole