ស្តែងៗ! ជើងឯកប្រណាំងម៉ូតូ៦ជំនាន់ Marc Marquez ជួបគ្រោះថ្នាក់ដួលបោកជាមួយម៉ូតូយ៉ាងរន្ធត់

បរទេស៖ ជើងឯកប្រណាំងម៉ូតូធំលើទីលានរបស់អេស្ប៉ាញម្នាក់ បានជួបគ្រោះថ្នាក់ដួលបោកជាមួយម៉ូតូយ៉ាងរន្ធត់ នៅទីលានប្រណាំង Circuito de Jerez ក្នុងប្រទេសអេស្ប៉ាញ។

 Marc Marquez ត្រូវឡានពេទ្យប្រចាំការនៅទីនោះដឹកយកទៅមន្ទីរពេទ្យភ្លាមៗ ដោយការរងរបួសបាក់ដៃខាងស្តាំ។ គាត់ត្រូវបានគ្រូពេទ្យវះកាត់ព្យាបាល ក្នុងទីក្រុងBarcelona កាលពីថ្ងៃអង្គារ បានដោយជោគជ័យ។

មុនហេតុការណ៍គ្រោះថ្នាក់នេះបានកើតឡើង Marquez ក៏ធ្លាប់បានរអិលធ្លាក់ចេញពីម៉ូតូខណះពេលដែលគាត់កំពុងនាំមុខគេក្នុងទីលាន ដោយត្រូវធ្លាក់មកលេខ១៤ ទម្រាំគាត់ស្តារស្ថានការណ៍មកវិញ។

Marquez មិនបោះបង់ក្តីសង្ឃឹមយ៉ាងមុតមាំរបស់គាត់ឡើយ ដោយតស៊ូរហូតបានឡើងមកដល់លេខ២ តែក៏សំណាងមិនល្អត្រូវជួបគ្រោះថ្នាក់បោកជាមួយម៉ូតូម្តងទៀត។ យ៉ាងណាក៏ដោយ Marquez រំពឹងនឹងវិលមការប្រកួតវិញឆាប់ៗ ក្រោយការវះកាត់ជោគជ័យពីសំណាក់គ្រូពេទ្យជំនាញ៕

ប្រភព៖ The Sun