ហុងកុង៖ ថ្មីៗនេះ ផ្ទុះភាពភ្ញាក់ផ្អើល បន្ទាប់ពីមានសារព័ត៌មានចុះផ្សាយថា ប៉ុស្តិ៍ទូរទស្សន៍ហុងកុងដ៏ល្បី TVB ត្រូវបានបិទរយៈពេល ២ ថ្ងៃ ដោយសារតែតារាស្រីវ័យ ២៤ ឆ្នាំ ម្នាក់បានឆ្លងជំងឺកូវីដ-១៩ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយោងតាមសារព័ត៌មានបានឲ្យដឹងថា តារាស្រីរូបនេះ មានឈ្មោះថា Zaina Sze បានធ្វើតេស្តវិជ្ជមានចំពោះជំងឺកូវីដ-១៩ កាលពីថ្ងៃទី ១៨ ខែ កក្កដា កន្លងទៅនេះ រួមទាំង អ្នកគ្រប់គ្រងរបស់នាងនិងមិត្តប្រុសរបស់អ្នកគ្រប់គ្រង តារាសម្ដែងលោក Robert Mak និងអ្នកជួយផ្សព្វផ្សាយ Ah Jia ក៏បានឆ្លងជំងឺនេះដែរ ដែលខណៈពេលនេះ អ្នកទាំង ៤ កំពុងតែសម្រាលព្យាបាលនៅមន្ទីរពេទ្យ ។
ជាមួយនឹង TVB City ត្រូវបានបិទនោះ រាល់សកម្មភាពសម្រាប់កម្មវិធីជាច្រើន ក៏ត្រូវបានបញ្ឈប់ផងដែរ រួមទាំងការលុបចោលកម្មវិធីផ្សាយផ្ទាល់ថែមទៀត ហើយ ទូរទស្សន៍ TVB ក៏បានជូនដំណឹងដល់អ្នក ដែលបានទាក់ទងជាមួយនឹងបុគ្គលដែលឆ្លងជំងឺនេះហើយដែរ ដែលមាននៅក្នុងបញ្ជីដែលបានចេញផ្សាយកាលពីថ្ងៃសៅរ៍ ហើយក៏មានមនុស្សជាងមួយរយនាក់ដែលបានទាក់ទងជាមួយនឹង Sze និង Ah Jia ដែលភាគច្រើនជាបុគ្គលិក ប៉ុន្តែក៏មានអ្នកសិល្បៈ ចំនួន ២០ នាក់ទៀតផងដែរ៕