បរទេស៖ បើតាមរបាយការណ៍របស់គេហទំព័រ Sport បានឲ្យដឹងថាអតីតអ្នកចាត់ការទូទៅរបស់ក្លិប Paris Saint-Germain លោក Laurent Blanc អាចនឹងមកដឹកនាំក្លិប Barcelona ជំនួសលោកគ្រូបង្វឹក Quique Setién នៅ បញ្ចប់រដូវកាលនេះប្រសិនបើ Barca មិនអាចលើកពាន UEFA Champions League បានទេនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សបន្ទាប់ពីភ្លាត់ស្នៀតឲ្យក្លិប Real Madrid ឆក់ពាន La Liga ទៅបាត់នៅសប្តាហ៍មុន កៅអីជាគ្រូបង្វឹករបស់លោក Satien កាន់តែក្ដៅទៅៗហើយ។ ដោយឡែកលោក Laurent Blanc អាចជាបេក្ខភាពឈានមុខគេក្នុងការមកដឹកនាំបន្តបើសិនជាលោក Satien ត្រូវបាន Barca បណ្តេញចេញមែននោះ។ ប៉ុន្តែបើតាមរបាយការណ៏បានឲ្យដឹងទៀតថា Barca អាចនឹងយកលោក Laurent Blanc ឲ្យមកដឹកនាំតែមួយរដូវកាលប៉ុណ្ណោះ ដោយក្លិបមួយនេះកំពុងតែរង់ចាំការត្រឡប់មកវិញរបស់គ្រូបង្វឹកជម្រើសទីមួយ Xavi ដែលនៅសល់កុងត្រាជាមួយក្លិបនៅប្រទេសកាតារហូតដល់ឆ្នាំ២០២១នោះ៕
ប្រភព៖ dailymail