Conor នឹងឡើងលើសង្វៀនប្រដាល់សកលម្តងទៀត ព្រមទាំងបោះពាក្យថាអ្នកណាក៏បានគេស្វាគមន៍ជានិច្ច លើកលែងតែកីឡាករ២រូបនេះ

ខ្ញុំនឹងវ៉ៃជាមួយអ្នកណាក៏បាន ហើយអភិវឌ្ឍន៍ខ្លួនឯងទៅមុខទៀត។ ខ្ញុំរកអ្វីដែលល្អ តែបើវាគ្មានបានការ ខ្ញុំមិនចាប់អារម្មណ៍ទេ។ លុយមិនមែនជាហេតុផលសម្រាប់រឿងនេះឡើយ ខ្ញុំជាអ្នកមានទ្រព្យស្តុកស្តម្ភម្នាក់ ចំណែកឯសមាជិកក្នុងគ្រួសារខ្ញុំក៏ប្រសើរដែរ។ ខ្ញុំស្រលាញ់ការប្រកួត និងធ្លាប់បានហាត់វានៅឯស្រុកកំណើតរបស់ខ្ញុំ នេះហើយជាហេតុដែលខ្ញុំចង់ឡើងប្រកួតប្រដាល់សកលម្តងទៀត។ ខ្ញុំនឹងត្រលប់​ទៅសង្វៀនដែករបស់ខ្ញុំវិញឆាប់ៗ ហើយរំពឹងយ៉ាងមុតមាំនឹងឡើងប្រកួតប្រដាល់សកលម្តងទៀត។ រង់ចាំទាំងអស់គ្នា ខ្ញុំជឿថាអ្នកគាំទ្រនឹងពេញចិត្តវា។ ការផ្តល់ឲ្យអ្នកគាំទ្រនូវអ្វីដែលគេចង់បាន គឺវាសំខាន់ណាស់សម្រាប់ខ្ញុំ។