អេស្ប៉ាញ៖ ភ្នាក់ងាររបស់ខ្សែប្រយុទ្ធ Gareth Bale បានបង្ហើបឲ្យដឹងថា ជម្រើសជាតិវែលស៍រូបនេះ មិនមានបំណងចង់ចាកចេញពី Real Madrid នោះទេ ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សBale នៅតែមិនស្ថិតក្នុងកែវភ្នែករបស់អ្នកចាត់ការទូទៅលោក Zinedine Zidan ដោយរូបគេ តែងត្រូវបានគ្រូបង្វឹកសញ្ជាតិបារាំង ដាក់ឲ្យអង្គុយកៅអីបម្រុងជារឿយៗ។
មិនត្រឹមតែប៉ុណ្ណោះ ក្នុងជំនួបប្រកួតបញ្ចប់រដូវកាល ទល់នឹងក្រុម Leganes កាលពីពេលថ្មីៗកន្លងទៅ Bale មិនមានឈ្មោះសូម្បីតែកៅអីបម្រុង។ យ៉ាងណាមិញ ភ្នាក់ងារបស់ម្ចាស់អាវលេខ១១រូបនេះ លោក Jonathan Barnett បាននិយាយថា Bale នឹងបន្តនៅ Real Madrid បើទោះជាមិនបានចូលលេងជាប់លាប់ក៏ដោយ។
លោក Barnett និយាយលម្អិតយ៉ាងដូច្នេះថា៖
គួរឲ្យដឹងដែរថា ក្នុងរដូវកាលនេះ Bale បង្ហាញខ្លួនឲ្យ Real Madrid បាន២០ប្រកួតប៉ុណ្ណោះ គិតរាល់ព្រឹត្តិការណ៍ទាំងអស់ ក្នុងនោះគេស៊ុតបាន៣គ្រាប់ និងបញ្ជូនបាល់ឲ្យមិត្តរួមក្រុមសម្រេចទីបាន២ដង៕
ប្រភព៖ dailymail