បុរសម្នាក់នេះ ផ្លោះឡើងបង្អួចពេទ្យរាល់ថ្ងៃ ដើម្បីមើលម្តាយឆ្លងកូវីដ-១៩ រហូតដល់ម្ដាយស្លាប់

បរទេស៖ ថ្មីៗនេះ នៅក្នុងបណ្តាញសង្គម មានការចែកចាយរឿង ដ៏គួរឲ្យរំជើបរំជួលដែលមួយបានកើត ចំពោះបុរសដ៏មានចិត្តស្មោះត្រង់ម្នាក់មានឈ្មោះថា Jihad Al Suwaiti បានសុខចិត្តផ្លោះឡើងបង្អួច ដើម្បីទៅមើលម្តាយចាស់ជរារបស់ខ្លួនជារៀងរាល់ថ្ងៃ រហូតដល់ម្តាយរបស់ខ្លួនទទួលអនិច្ចកម្ម​ ដោយសារជំងឺកូវីដ១៩។

ដោយឡែក តាំងពីម្តាយរបស់បុរសម្នាក់នោះ បានធ្វើតេស្តកូវីដ១៩ វិជ្ជមានរួចមក រូបគាត់ក៏ត្រូវបញ្ជូនទៅក្នុងមន្ទីពេទ្យមួយដែលមិនអនុញ្ញាត្តិឲ្យអ្នកណា ចូលសួរសុខទុកអ្នកជំងឺឡើយ ប៉ុន្តែដោយសេចក្តីស្មោះត្រង់ ចំពោះអ្នកមានគុណ បុរសម្នាក់នោះសុខចិត្តផ្លោះឡើងទៅអង្គុយ ត្រង់កន្លៀតបង្អួច ដើម្បីមើលម្តាយដែលកំពុងសម្រាកព្យាបាល មិនដែលខានមួយថ្ងៃណាឡើយ ដោយសកម្មភាពបែបនេះចេះតែបន្តបន្ទាប់ ទៅរហូតដល់ វីរុសកូវីដ១៩ បានឆក់យកជីវិតស្ត្រីចំណាស់រូបនោះ។

ក្រោយពីបានឃើញដូច្នេះរួចមក មហាជនជាច្រើន បានសម្តែងក្តីសោកសង្រេងនិង ថែមទាំងបង្ហូរទឹកភ្នែកទាំងមិនដឹងខ្លួន ដោយសារសេចក្តីស្មោះត្រង់របស់Jihad Al Suwaiti  ទៅលើម្តាយរបស់គាត់។

គួររម្លឹកដែរថា Jihad Al Suwaiti គឺជាកូនពៅនៅក្នុងគ្រួសាររបស់គាត់ផងដែរ ប៉ុន្តែក្នុងចំណោមបងប្អូនទាំងអស់គឺមានតែគាត់ម្នាក់តែប៉ុណ្ណោះ ដែលមកមើលម្តាយជារឿងរាល់ថ្ងៃមុនពេលគាត់ស្លាប់៕

សូមចូលមើលរូបភាពខាងក្រោម៖