ឥណ្ឌូណេស៊ី ​ចង់ទិញ​​យន្តហោះចម្បាំង ពីប្រទេសអូទ្រីស

បរទេស៖ ប្រទេស​ឥណ្ឌូណេស៊ី បានបង្ហាញចំណាប់អារម្មណ៍ ក្នុងការ​ចង់បានយន្តហោះចម្បាំងធុន Eurofighter Typhoon របស់អូទ្រីស ​ក្នុងគោលបំណងយកមកពង្រឹងប្រព័ន្ធការពារជាតិរបស់ខ្លួន។

រដ្ឋមន្រ្តីក្រសួងការពារជាតិឥណ្ឌូណេស៊ីលោក Prabowo Subianto បានសរសេរលិខិតមួយច្បាប់ ទៅកាន់សមភាគីអូទ្រីសលោកស្រី Klaudia Tanner ដើម្បី​ធ្វើការចរចារ​ទិញយន្តហោះចម្បាំង Typhoon ទាំង ១៥គ្រឿង ពីកងទ័ពអាកាសអូទ្រីស។

នៅក្នុងសារលិខិតនោះ លោក Prabowo បានសរសេរថា៖

គួរឱ្យដឹងផងដែរថា​ ប្រទេសអូទ្រីសបានទិញ​យន្តហោះចម្បាំង Typhoon តាំង ១៥គ្រឿងនេះ កាលពីឆ្នាំ ២០០២ នៅក្នុងកិច្ច​ព្រមព្រៀងមួយ ដែលមាន​ទំហំទឹកប្រាក់ ​២.២៨ ពាន់លានដុល្លារ។ ហើយប្រសិនបើអូទ្រីសយល់ព្រម​លក់វាទៅឱ្យឥណ្ឌូណេស៊ី នោះសេចក្តីប្រាថ្នារបស់រុស្ស៊ី ក្នុងការលក់យន្តហោះ​ចម្បាំង Sukhoi Su-35 Flanker ទៅកាន់ប្រទេសឥណ្ឌូនេស៊ី ក៏អាចនឹងត្រូវ​លុបចោលដែរ៕