ភ្នំពេញ៖ កាលពីម្សិលមិញនេះ តារាសម្ដែងស្រី នៅ សូនីតា និងគ្រួសារ បានប្រារព្ធធ្វើពិធី សូត្រមន្ត និងធ្វើខួបកំណើត មួយខួបជូនដល់កូនប្រុស ជាទីស្រលាញ់ ដោយមានការរៀបចំតុបតែង យ៉ាងអធិកអធម នៅឯវីឡាដ៏ស្កឹមស្កៃរបស់ខ្លួន ក្នុងបុរីមួយកន្លែង ដោយបានអញ្ជើញភ្ញៀវចូលរួម ជាច្រើននាក់ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទន្ទឹមនឹងនេះ ក្នុងពិធីទាំងមូល កាលពីយប់មិញនេះ យើងឃើញឃើញថា ក្រៅពីភ្ញៀវដែលជាមិត្តជិតសិ្នទ្ធិក្រៅរង្វង់សិល្បៈហើយ ក្នុងនោះដែរ យើងក៏ឃើញមាន លេចមុខមិត្តអ្នកសិល្បៈល្បីៗជាច្រើននាក់ទៀត ដែលមានដូចជា តារាសម្ដែង ចនច័ន្ទ លក្ខិណា ដួង ហ្សូរីដា ជា វណ្ណារឹទ្ធ ប៉ែន ចំរុង លី ម៉ារីណា ហ៊ិន ចាន់នីរ័ត្ន ជាដើម រួមនិងតារាល្បីៗមួយចំនួនទៀត ក៏បានមកចូលរួម នៅក្នុងកម្មវិធីដ៏អធិកអធមមួយនេះ ដើម្បីអបអរសាទរ និងជូនពរ ជូនជ័យ ដល់ថ្ងៃពិសេសរបស់កូនប្រុស តារាស្រីរូបនេះផងដែរ។
ជាមួយគ្នានេះ តាមរយៈរូបភាពនានា ដែលបង្ហោះដោយតារាល្បីៗទាំងនោះ នៅលើបណ្ដាញសង្គម ក៏មានការចូលរួមសារទរ តាមរយៈខំមិន ពីហ្វេនៗជាច្រើនផងដែរ ដែលបានពោលពាក្យជូនពរជាហូរហែរ និង ជូនទៅដល់ក្រុមគ្រួសារតារារូបនេះ ឲ្យមានក្ដីសុខច្រើនៗទៀតផង៕
ទស្សនារូបភាពខាងក្រោម៖