អង់គ្លេស៖ លទ្ធផលនៃការសាកល្បងវ៉ាក់សាំងវីរុសកូរ៉ូណាចំនួន៣ផ្សេងគ្នាដែលចេញផ្សាយកាលពីថ្ងៃចន្ទបានបង្ហាញថា ពួកវាសុទ្ធតែទទួលបានលទ្ធផលល្អ ជាមួយភស្ដុតាងដែលបញ្ជាក់ថា វ៉ាក់សាំងទាំងនេះអាចបង្កើតការឆ្លើយតបទៅនឹងប្រព័ន្ធភាពស៊ាំ ដែលត្រូវបានគេរំពឹងថា នឹងការពារមនុស្សប្រឆាំងនឹងការឆ្លង។

ពួកវាទាំងអស់មើលទៅដូចជាមានសុវត្ថិភាព បើទោះបីជាវានឹងត្រូវចំណាយពេលសិក្សា ជាមួយមនុស្សកាន់តែច្រើនដើម្បីបង្ហាញ ថាតើពួកវាពិតជាមានសុវត្ថិភាព និងថាតើពួកវាអាចការពារការឆ្លងបានឬក៏យ៉ាងណា។

រូបតំណាង

លទ្ធផលដំបូងនៃការសាកល្បងដំណាក់កាល១/២បានបង្ហាញថា វ៉ាក់សាំងការពារវីរុសកូរ៉ូណាដែលត្រូវបានបង្កើតដោយសាកលវិទ្យាល័យ Oxford និងក្រុមហ៊ុន AstraZeneca មានសុវត្ថិភាពនិងបង្កឲ្យមានការឆ្លើយតបនៃប្រព័ន្ធភាពស៊ាំ។ ទោះជាយ៉ាងណា អ្នកស្រាវជ្រាវបានសង្កត់ធ្ងន់ថា វាត្រូវការការសិក្សាបន្ថែមទៀត ដើម្បីដឹងថាតើវ៉ាក់សាំងនេះអាចការពារមនុស្សប្រឆាំងនឹងវីរុស។

វ៉ាក់សាំងរបស់ Oxford បានជំរុញឲ្យមានការឆ្លើយតបទៅនឹងអង្គបដិប្រាណ ក្នុងរយៈពេល២៨ថ្ងៃ និងឆ្លើយតបទៅនឹងកោសិកា T ក្នុងរយៈពេល១៤ថ្ងៃ។ អ្នកស្រាវជ្រាវបាននិយាយថា នោះជាដំណឹងល្អ។ ប្រព័ន្ធភាពស៊ាំមានវិធីពីរយ៉ាងក្នុងការស្វែងរក និងវាយប្រហារភ្នាក់បង្កជំងឺ។ វាមិនច្បាស់ទេ ថាតើវ៉ាក់សាំងនេះអាចធ្វើការបានល្អ ចំពោះមនុស្សវ័យចំណាស់ ដែលមានហានិភ័យខ្ពស់នៃការឆ្លងជំងឺកូវីដ-១៩៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក បច្ចេកវិទ្យា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ