ភ្នំពេញ៖ គូស្នេហ៍ជាតារាចម្រៀងដូចគ្នា លោក ជី ដេវីត និងកញ្ញា ទេព បូព្រឹក្ស កាន់តែទទួលបានកេរ្ដិ៍ឈ្មោះល្បីល្បាញក្នុងសង្គមសិល្បៈ ដោយពេលនេះ តារាប្រុសស្រីពីរដួងនេះ ក៏មានភាពមមាញឹកជាមួយការងារខ្លាំងផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាការពិតណាស់ ជី ដេវីត និងកញ្ញា ទេព បូព្រឹក្ស ជាគូស្នេហ៍ ដែលតែងតែធ្វើឲ្យអ្នកគាំទ្រជាច្រើនច្រណែននឹងអ្នកទាំងពីរ តាមរយៈសកម្មភាពស្វីតៗ និងបង្ហាញពីក្ដីស្រលាញ់ចំពោះគ្នាកាន់តែខ្លាំងឡើងៗពីមួយថ្ងៃទៅមួយថ្ងៃ។ ម្យ៉ាងវិញទៀត ក្រៅពីជោគជ័យលើរឿងស្នេហាហើយ គូស្នេហ៍មួយគូនេះ ក៏បើកជំនួញផ្ទាល់ខ្លួនជាមួយគ្នាផងដែរ។ ដោយមួយរយៈចុងក្រោយនេះ គេសង្កេតឃើញថា តារាប្រុសស្រីមួយគូនេះ តែងតែប្រើប្រាស់នៅសម្ភារៈម៉ាកល្បីៗ និងនិយមទិញគ្រឿងពេជ្រពាក់ទៀតផង។
ជាក់ស្ដែង កាលពីម្សិលមិញនេះជាថ្ងៃ Anniversary ៤ឆ្នាំ ជី ដេវីត និងកញ្ញា ទេព បូព្រឹក្ស ក្នុងថ្ងៃនោះផងដែរ ជី ដេវីត បានទិញកាដូធំសម្រាប់គូស្នេហ៍ខ្លួនជាប្រភេទឡានស៊េរីទំនើបម៉ាក Rolls Royce ពណ៌ខ្មៅធ្វើឲ្យ ទេព បូព្រឹក្ស រំភើបញញឹមសឹងតែបិទមាត់មិនជិតទៅហើយ។ ក្រោយបង្ហោះវីដេអូ បង្ហាញឡានទំនើបនេះរួច មានអ្នកគាំទ្រជាច្រើនចូលរួមអបអរសាទរអ្នកទាំងពីរ ព្រមទាំងជូនពរអ្នកទាំងពីរឲ្យស្រលាញ់គ្នារហូត និងរង់ចាំដំណឹងល្អ ថ្ងៃចូលរោងការរវាងតារាប្រុសស្រីនេះ ក្នុងពេលឆាប់ៗផងដែរ៕
សូមទស្សនារូបភាព និងវីដេអូខាងក្រោម៖