ភ្នំពេញ៖ ពីមួយឆ្នាំទៅមួយឆ្នាំ ឃើញថាតែងតែមានរឿងហេតុផ្ទុះពេញបណ្តាញសង្គមហ្វេសប៊ុក ជាមួយនឹងដ៏កក្រើកដែលសឹងតែធ្វើឲ្យមហាជនជាច្រើន មិនអាចនឹងបំភ្លេចបាន ស្របពេលដែលនៅក្នុងឆ្នាំនេះក៏ស្រាប់តែផ្ទុះរឿង ស្ត្រីចិត្តក្តៅម្នាក់បានឆូតមុខក្មេងស្រីវ័យ៥ឆ្នាំ ដោយហេតុផលចងសងសឹងឲ្យកូនប្រុស ខណៈពេលដែលក្មេងៗលេងជាមួយគ្នារហូតឈ្លោះគ្នាតិចតួច។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សស្របពេលជាមួយគ្នានេះដែរ ក៏មានមហាជនជាច្រើនបាននាំគ្នាថានាង គឺជាស្ត្រីចិត្តសាហាវប្រចាំឆ្នាំនេះ ដែលបានធ្វើបាបក្មេងទន់ខ្សោយបែបនេះ។ តែអ្វីដែលគួរឲ្យចាប់អារម្មណ៍នោះគឺ ក៏មានមហាជនមួយចំនួនបាននាំគ្នាលើកឡើងនូវមុខមាត់ ស្ត្រី២រូបទៀត ដែលមហានជាច្រើនចាំមិនភ្លេចនោះគឺ៖
១) ឆ្នាំ២០១៨៖ ស្ត្រីរូបនេះបានធ្វើទារុណកម្មវាយធ្វើបាប ក្មេងស្រីមួយរូបវ័យ១៦ឆ្នាំ រហូតដល់រយៈពេល៤ឆ្នាំ បានផ្ទុះពេញប្រទេសជាមួយនឹងអំពើដ៏ឃោឃៅហ៊ានវាយក្មេងស្រីរូបនោះ តាំងពីនាងមានវ័យ១២ឆ្នាំ។ តាមរយៈការសួរនាំពីជនរងគ្រោះក្មេងស្រី ជា ស្រីនូ បានឲ្យដឹងដែលថា ថៅកែខ្លួនបានវាយធ្វើបាបសឹងតែរាល់ មានពេលខ្លះយកដូចជាម្ជុលដេរខោអាវយកមកចាក់ និងដែក មកវាយដំលើនាងរហូតមានជាំពេញខ្លួនប្រាណទៀតផង។
២)ឆ្នាំ២០១៩៖ ស្ត្រីរូបនេះពិតជាសាហាវខ្លាំង ដោយបានធ្វើការសម្លាប់មិត្តខ្លួនឯង រួចកាត់ជាកង់ៗដាក់ចូលទូរទឹកកក ដោយសារជំពាក់លុយជនរងគ្រោះ៧ពាន់ដុល្លារ ទាំងដែលគ្មានលុយសង ក៏សម្រេចចិត្តផ្តាច់ទាំងចំណងមិត្តភាព និងផ្តាច់ទាំងជីវិតតែម្តង។ ហេតុការនេះបានធ្វើឲ្យមហាជនជាច្រើនបានចាំមិនភ្លេចនោះទេ ព្រោះក្រោយពីបានធ្វើរួចនារីរូបនេះ ហាក់គ្មានការភ័យខ្លាច ថែមទាំងបកស្រាយធ្វើត្រាប់មិនញញើតបន្តិចសោះ។
៣) ឆ្នាំ២០២០៖ ថ្មីៗនេះ ស្ត្រីរូបនេះបានក្លាយទៅជាប្រធានបទដ៏ក្តៅគគុក ក្រោយនាងបានធ្វើការឆូតមុខក្មេងស្រីមួយរូបដែលមានវ័យ៥ឆ្នាំ ក្រោយកូនប្រុសរបស់ខ្លួន មានការឈ្លោះទាស់ទែងគ្នាបន្តិចបន្តួចធ្វើឲ្យរបួសត្រង់ក្បាល។ ដោយនាងទ្រាំមិនបានក៏បានធ្វើអំពើបែបនេះ ឃើញក្មេងស្រីដែលធ្វើឲ្យកូនប្រុសរបស់ខ្លួនរបួសភ្លាម ក៏បានចាប់បោចសក់ឆូតមុខដេរអស់១០០ថ្នេរតែម្តង ហើយពេលនេះស្រ្តីរូបនេះ បានជាប់ឈ្មោះស្ត្រីដៃឆៅប្រចាំឆ្នាំផងដែរ៕