ថៃ៖ នាយករដ្ឋមន្ត្រីថៃលោក Prayut Chan-o-cha បានបញ្ជាក់នៅថ្ងៃសុក្រនេះថា លោកបានទាក់ទងធនាគារិក លោក Preedee Daochai ដើម្បីចូលរួមក្នុងជួរគណៈរដ្ឋមន្រ្តីថ្មីរបស់លោក បន្ទាប់ ពីសមាជិកគណៈរដ្ឋមន្រ្តីជាច្រើនរូបបានលាលែងពីតំណែងនៅសប្តាហ៍នេះ។ លោក Prayut បានមានប្រសាសន៍ថា“ ខ្ញុំបានទាក់ទងលោក Preedee Daochai ប៉ុន្តែគាត់មិនទាន់បានផ្តល់ចម្លើយឲ្យខ្ញុំនៅ ឡើយទេ។”
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Preedee គឺជាសហប្រធាននៃធនាគារ Kasikornbank ដែលជាធនាគារពាណិជ្ជថៃ និងជាប្រធានសមាគមធនាគារិកថៃផងដែរ។
ឈ្មោះរបស់លោក Preedee លេចធ្លោជាបេក្ខជនសក្តានុពលសម្រាប់តំណែងរដ្ឋមន្រ្តីហិរញ្ញវត្ថុ បន្ទាប់ពីមានការលាលែងពីតំណែងរបស់លោក Uttama Savanayana និងសមាជិកគណៈរដ្ឋមន្ត្រី ៤ រូបផ្សេងទៀតរួមទាំងឧបនាយករដ្ឋមន្រ្តីលោក Somkid Jatusripitak ។
លោក Prayut បានមានប្រសាសន៍ថា“ យើងត្រូវការមនុស្សត្រឹមត្រូវដើម្បីជួយប្រទេសថៃស្តារសេដ្ឋកិច្ចឡើងវិញដូចដែលយើងបានរងផលប៉ះពាល់យ៉ាងធ្ងន់ធ្ងរដោយសារជំងឺរាតត្បាត COVID-១៩ ។”
គួរបញ្ជាក់ផងដែរថា កន្លងមកធនាគារកណ្តាលថៃបានព្យាករណ៍ថា សេដ្ឋកិច្ចថៃនឹងបន្តធ្លាក់ចុះ ៨ ភាគរយទៀត។ លោក Prayut ក៏បានប្រាប់ប្រព័ន្ធផ្សព្វផ្សាយផងដែរថា លោកនឹងបញ្ចប់ការរុះរើគណៈរដ្ឋមន្រ្តីនៅត្រឹមខែសីហា៕
ប្រភពព័ត៌មាន៖ ទីភ្នាក់ងារសារព័ត៌មានស៊ីនហួរ