ភ្នំពេញ៖ កញ្ញា វ៉ាន់ នីឡា ជាអតីតតារាចម្រៀងក្នុងផលិតកម្មភ្លេងរីខត និងជាម្ចាស់បទល្បីៗជាច្រើនដូចជា មនុស្សបងធុញវិលវិញបានទេ, ស្រលាញ់អ្នកមុនរៀបការអ្នកក្រោយ, បន្តស្រលាញ់ ឬផ្តើមស្អប់ និងបទជាច្រើនទៀត។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សទោះបីជាពីកញ្ញា វ៉ាន់ នីឡា ស្ងាត់មុខពីវិស័យសិល្បៈអស់មួយរយៈពេលធំក្តី ប៉ុន្តែ វ៉ាន់ នីឡា នៅតែបង្ហាញមុខនៅលើបណ្តាសង្គមដូចជា ហ្វេសប៊ុក និងអ៊ីនស្រ្តាក្រាមជាដើម។
ជាក់ស្តែង កាលពីម្សិលមិញនេះក៏មានរឿងគួរឲ្យភ្ញាក់ផ្អើលមួយ ដោយស្ត្រីម្នាក់មានចេតនាចង់សម្លាប់ ដើម្បីសងសឹកលើកុមារីជនរងគ្រោះអាយុ ៥ឆ្នាំនៅជាប់ផ្ទះ ព្រោះកុមារីរូបនេះបានលេងប្រឡែងគ្នា រួចក៏បានឈ្លោះប្រកែកគ្នាជាមួយនឹងកូនប្រុសរបស់ជនរងគ្រោះដែលមានអាយុ ២ឆ្នាំ។ បន្ទាប់ពីមានរឿងនេះហើយក៏បង្កឲ្យមានការភ្ញាក់ផ្អើលខ្លាំង ធ្វើឲ្យមហាជនទូទាំងប្រទេសខឹងសម្បារ និងហួសចិត្តស្រ្តីជនសង្ស័យ ដែលមានចិត្តសាហាវធ្វើបាប និងវះលើមុខ និងដៃក្មេងស្រីជនរងគ្រោះរូបនោះ។
ភ្លាមៗនេះ កញ្ញា វ៉ាន់ នីឡា ក៏បានស៊ែរវីដេអូរបស់ស្រ្តីជនសង្ស័យរូបនោះ និងសរសេរផ្តាំទៅប៉ូលីសថា "ពូប៉ូលីសអើយជួយធាក់ម្នាក់ហ្នឹងមួយជើងចូលក្រោមតុអោយខ្ញំុមួយមក លៃអោយចំឆ្អឹងជំនី"។ មិនត្រឹមតែប៉ុណ្ណោះ វ៉ាន់ នីឡា ក៏បានស៊ែររូបភាពជាច្រើននៅក្នុងគណនីផ្ទាល់ខ្លួនរបស់កញ្ញា ដែលទាក់ទងពីក្មេងស្រីអាយុ ៥ឆ្នាំដែលជាជនរងគ្រោះផងដែរ៕
សូមទស្សនារូបភាពខាងក្រោម៖