ការប្រកួត​​បាល់​ទាត់​​លីគកំពូល​របស់​​អ៊ុយ​រ៉ា​ហ្គាយ​​​នឹង​​ចាប់​ផ្តើម​ឆាប់​ៗ​​ ដោយការ​ប៉ះ​គ្នា​​រវាង​ក្រុមទាំង ២នេះ ​​

អ៊ុយរ៉ាហ្គាយ៖ អាជ្ញាធរបាននិយាយកាលពីថ្ងៃពុធថា ការបែងចែកក្រុមក្នុងការប្រកួតបាល់ទាត់លីគ​កំពូលរបស់​ប្រទេស​អ៊ុយរ៉ាហ្គាយនឹងចាប់ផ្តើមនៅថ្ងៃទី ៨ ខែសីហាជាមួយនឹងការប៉ះគ្នារវាងក្រុម Penarol និង ក្រុម Nacional ។

ការចាប់ផ្តើមឡើងវិញនឹងធ្វើឡើងបន្ទាប់ពីមានការបញ្ឈប់ជិត ៥ ខែក្នុងរដូវកាលនេះដោយសារជំងឺ COVID-១៩ បានក្លាយជាជំងឺរាតត្បាតទូទាំងពិភពលោក។ កាលពីខែមិថុនាសមាគមន៍បាល់ទាត់អ៊ុយរ៉ាហ្គាយ (AUF) បានកំណត់​យកថ្ងៃទី ១៥ ខែសីហាជាកាលបរិច្ឆេទនៃការចាប់ផ្ដើមការប្រកួតឡើងវិញ។

ប្រធាន AUF លោក Ignacio Alonso បានប្រាប់សន្និសីទសារព័ត៌មានថា៖ "សម្រាប់ពួកយើងវាគឺជាថ្ងៃសោមនស្ស​រីករាយ​ពីព្រោះយើងបានប្រាប់ទៅអ្នកគាំទ្រថាយើងនឹងចាប់ផ្ដើមប្រកួតម្តងទៀត ... ហើយយើងនឹងវិលត្រឡប់ទៅ​រកការ​ប្រកួតតាមដែលកាលវិភាគបានគ្រោងទុកវិញ"។

ការប្រកាសនេះ ធ្វើឡើងបន្ទាប់ពីមានការប្រជុំរវាងតំណាង AUF និងមន្ត្រីរដ្ឋាភិបាលព្រមទាំងបានអនុម័តរួចរាល់​ផងដែរតែដោយ​តម្រូវអោយអនុវត្តតាមគោលការណ៍សុខភាព និងសុវត្ថិភាព។

លោក Alonso បាននិយាយថា៖ “ការប្រកួតនឹងត្រូវបានលេងដោយបិទទ្វារសម្រាប់រដូវកាល​ដែលនៅសេសសល់​ដែល​នឹងបញ្ចប់នៅដើមឆ្នាំ ២០២១” ។

ការបែងចែកក្រុមដំបូងរបស់អ៊ុយរូហ្គាយត្រូវបានបញ្ឈប់នៅថ្ងៃទី ១៣ ខែមីនា ពីរថ្ងៃបន្ទាប់ពីអង្គការសុខភាពពិភព​លោក​បានប្រកាសថាជំងឺ COVID-១៩ ជាជំងឺរាតត្បាត។

ក្រុម Rentistas នាំមុខក្រុមកំពូលតារាង Liga Uruguaya Apertura ជាមួយនឹងជ័យជម្នះ ៣ លើកពីការប្រកួតជា​ច្រើនដែលមាន ៤ ពិន្ទុនាំមុខក្រុមលេខ ២ Progreso ៕

ប្រភពព័ត៌មាន៖ ទីភ្នាក់ងារសារព័ត៌មានស៊ីនហួរ