បរទេស៖ កីឡាករលំដាប់ជួរមុខរបស់ប្រទេសថៃ នឹងត្រូវប្រកួតគ្នាក្នុងសង្វៀន ONE ក្រោយការអាក់ខានរៀបចំមួយរយៈដោយសារជំងឺកូវីដ១៩។ កីឡាករជនជាតិថៃ ៥គូ និងធ្វើឲ្យរញ្ជួយសង្វៀន ក្នុងប្រទេសថៃនាចុងខែកក្កដានេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគូឯកប្រចាំព្រឹត្តិការណ៍លើកនេះ គឺ Rodtang ប៉ះជាមួយ Petchdam អ្នកទាំងពីរសុទ្ធតែជាកីឡាករលំដាប់ជួរមុខ បទពិសោធន៍មិនធម្មតានៅលើសង្វៀន ។
ចំណែកឯគូឯករងវិញ Petchmorakot ប៉ះជាមួយ Yodsanklai អ្នកទាំង២សុទ្ធតែជាកីឡាករជើងចាស់ដូចគ្នា មានកេរ្តិ៍ឈ្មោះល្បីល្បាញទាំងក្នុង និងក្រៅស្រុក។
Petchdam និង Petchmorakot ហ្វឹកហាត់ក្នុងក្លិបជាមួយគ្នាគឺ Petchyindee Academy រីឯ Rodtang និង Yodsanklai ក៏ហាត់ជាមួយគ្នាផងដែរនៅក្លិប Fairtex Pattaya Gym បានន័យថាក្លិបល្បីទាំង២នេះនឹងប៉ះគ្នា ប្រាកដជាកក្រើកខ្លាំងជាក់ជាពុំខាន។
អមជាមួយគូខ្លាំងទាំងពីរនេះ ក៏មានអមស្រ្តី១គូ និងគូបុរស៣គូទៀតផងដែរ ដែលនឹងកំដរអារម្មណ៍អ្នកគាំទ្រមុនឈានចូលដល់គូពិសេស៕
ប្រភព៖ ONE Championship