បរទេស៖ លោក Ole Gunnar Solskjaer ដែលជាគ្រូបង្វឹកក្រុមបិសាចក្រហម Manchester United មិនពេញចិត្តចំពោះកាលវិភាគលេងសម្រាប់ក្រុមរបស់ខ្លួននា ២ សប្តាហ៍ចុងក្រោយសម្រាប់លីគកំពូល Premier League ដោយ Man Utd ត្រូវប្រឹងប្រែងយក Top 4 ដើម្បីដណ្តើមកៅអីទៅលេង UEFA Champion League។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សMan Utd សល់ចំនួន ៣ ប្រកួតសម្រាប់ Premier League ដោយភារកិច្ចដ៏ធ្ងន់ធ្ងរនោះគឺក្រុមបិសាចក្រហមមួយនេះត្រូវប៉ះតោកំណាច Chelsea នាវគ្គពាក់កណ្ដាលផ្តាច់ព្រ័ត្រ FA Cup ដែលនឹងត្រូវលេងនាថ្ងៃអាទិត្យនេះនាកីឡដ្ឋាន Wembly។
យ៉ាងណាមិញ Chelsea មានពេលរហូតដល់ទៅ ៤ ថ្ងៃសម្រាប់ត្រៀមខ្លួនប៉ះ Man Utd។ ដោយឡែក Man Utd មានពេលតែ ២ ថ្ងៃប៉ុណ្ណោះ ដោយខ្លួនមានភារកិច្ចត្រូវលេងតទល់ជាមួយនឹងក្រុម Crystal Palace នាយប់ថ្ងៃព្រហស្បតិ៍ឈានចូលថ្ងៃសុក្រនេះវេលាម៉ោង ០២ និង ១៥ នាទីរំលងអាធ្រាត្រ (ម៉ោងព្រះរាជាណាចក្រកម្ពុជា) នៅកីឡដ្ឋាន Selhurst Park។
លោក Ole Gunnar Solskjaer និយាយថានេះជាបញ្ហាមួយដែលក្រុម Chelsea មានពេលយូរជាងក្រុមរបស់លោករហូតដល់ទៅ ៤៨ ម៉ោងប៉ុន្តែលោកបាននិយាយថាលោកនឹងផ្តោតជាងគេទៅលើការប្រកួតជាមួយ Crystal Palace ដើម្បីរកពិន្ទុឡើងទៅកាន់ Top 4៕
ប្រភព៖ Goal