ចាកាតា៖ អាជ្ញាធររបស់ប្រទេសឥណ្ឌូនេស៊ីបានរាយការណ៍ថា ចំនួនអ្នកស្លាប់និងរបួសដោយសារគ្រោះទឹកជំនន់ និងការបាក់ដី នៅក្នុងខេត្ត South Sulawesi ប្រទេសឥណ្ឌូនេស៊ី បានបន្តកើនឡើងដល់ ២១នាក់ហើយ ចំណែក ៣១នាក់ផ្សេងទៀតកំពុងបាត់ខ្លួននៅឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមន្ត្រីទទួលបន្ទុកការិយាល័យរុករកនិងសង្គ្រោះ ដែលសុំមិនបញ្ចេញឈ្មោះបានលើកឡើងថា៖
សាកសពភាគច្រើន ត្រូវបានគេឃើញកប់ក្នុងភក់ ដែលមានជម្រៅពី ៥០សង់ទីម៉ែត្រទៅ ១ម៉ែត្រ។ ហើយទទ្ទឹនេះ អាជ្ញាធរឥណ្ឌូនេស៊ី បានបែងចែកអ្នកសង្គ្រោះទៅជា ៦ក្រុម ដើម្បីបន្តបេសកកម្មស្វែងរកមនុស្សបាត់ខ្លួនផ្សេងទៀត នៅក្នុងទីក្រុង Masamba និងភូមិ Radda ដែលជាទីតាំងរងការវាយប្រហារ ដោយគ្រោះទឹកជំនន់ និងការរអិលបាក់ដីភ្លាមៗនេះខ្លាំងជាងគេ។
សូមជម្រាបផងដែរថា ភ្លៀងធ្លាក់ខ្លាំងជាច្រើនថ្ងៃ ដែលបង្កជាគ្រោះទឹកជំនន់ និងការរអិលបាក់ដីនេះ បានបំផ្លាញផ្ទះសម្បែង អាគារ សាលារៀន និងហេដ្ឋារចនាសម្ព័ន្ធអស់ជាច្រើន។ ហើយក្នុងនោះមនុស្សជាង ៥ពាន់នាក់ ក៏ត្រូវរងផលប៉ះពាល់ខ្លាំង ដោយសារគ្រោះធម្មជាតិដ៏អាក្រក់នេះដែរ៕
សូមទស្សនាវីដេអូខាងក្រោម៖