ភ្នំពេញ៖ កញ្ញា យូរី ជាតារាចម្រៀងប្រចាំផលិតកម្មសាន់ដេ ជាម្ចាស់បទ “ចង់បបួលបងមកឈឺចាប់” និងត្រូវហ្វេននៅក្នុងបណ្តាញសង្គមមិនតិចទេលើកឡើងថា ជាគូស្នេហ៍របស់លោក BMO តារារ៉េបក្នុងផលិតកម្មសាន់ដេដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សថ្មីៗ យូរី បានបញ្ចេញចម្រៀងមួយបទដែលមានចំណងជើង “Bae” ដែលធ្វើឲ្យអ្នកគាំទ្រឆ្ងល់ និងសង្ស័យថា តារាចម្រៀងរូបនេះបានចេញពីផលិតកម្មសាន់ដេហើយ ព្រោះទាំងការដឹកនាំមិនមែនជារបស់ផលិតកម្ម ហើយក៏មិនជាប់ឈ្មោះផលិតកម្មនៅក្នុងវីដេអូនោះផងដែរ។
គួរបញ្ជាក់ផងដែរថា តារាចម្រៀងមុខស្រស់ ចូលចិត្តភាពខ្យូតៗរូបនេះ បានចូលច្រៀងក្នុងផលិតកម្មសាន់ដេដំបូងនៅឆ្នាំ2013។ ហើយពេលនេះអ្នកគាំទ្រមួយចំនួនក៏ដាក់ការសង្ស័យថា យូរី នឹងគ្រោងទៅផលិតកម្មផ្សេង ហើយក៏គ្រោងនឹងចេញបទចម្រៀងថ្មីក្នុងពេលឆាប់ៗនេះផងដែរ។ យ៉ាងណាការសង្ស័យនេះ អាចនឹងទទួលបានចម្លើយនៅពេលបទបន្ទាប់របស់តារាខាងលើចេញផ្សាយ៕