អង់គ្លេស៖ ក្លិបហង្សក្រហម Liverpool លែងមានលទ្ធភាពដើម្បីបំបែកកំណត់ត្រាម្ចាស់ជើងឯកដែលរកបានពិន្ទុច្រើនជាងគេក្នុងមួយរដូវកាលហើយ ក្រោយពីចាញ់ក្លិបកាំភ្លើងធំ Arsenal ដោយលទ្ធផល២ទល់នឹង១កាលពីយប់មិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Sadio Mane ជាអ្នករកគ្រាប់បាល់បើកឆាកឲ្យ Liverpool នាំមុខមុននៅនាទីទី២០ ដោយការ Assist ពីកីឡាករ Robertson ។ រំលងបាន១២នាទី ខ្សែការពារលំដាប់កំពូល Virgil van Dijk ភ្លាត់ស្នៀតហុចដងឲ្យកីឡាករ Alexandre Lacazette របស់ក្លិប Arsenal ទាញបាល់ដាច់អ្នកចាំទី Alisson Becker រកបានគ្រាប់តាមស្មើ។
មិនមែនមានតែ Van Dijk តែម្នាក់ទេដែលជាអ្នកហុចដងឲ្យកីឡាកររបស់ Arsenal រកគ្រាប់បាននោះ ដោយនៅនាទីទី៤៤ អ្នកចាំទី Alisson Becker បោះបាល់ភ្លាត់ឲ្យកីឡាករ Lacazette ប៉ះឲ្យកីឡាករ Nelson រកបានគ្រាប់ទី២ឲ្យ Arsenal ធានាបាន៣ពិន្ទុ។
បើទោះបីជាចាញ់ការប្រកួតនេះក្ដី Liverpool បានឈ្នះពាន Premier League នៅរដូវកាលនេះរួចទៅហើយដោយកំពុងមាន៩៣ពិន្ទុ។ ចំណែកឯ Arsenal វិញបន្ទាប់ពីបាន៣ពិន្ទុបន្ថែមពី Liverpool យប់មិញក្លិបមួយនេះកំពុងឈរនៅលេខ៩មាន៥៣ពិន្ទុ៕
ប្រភព៖ givemesport