បរទេស៖ កំពូលស្តេចប្រដាល់វាយក្នុងទ្រុង Conor McGregor បានប្រារព្ធខួប ៣២ឆ្នាំរបស់ខ្លួន ជាមួយនឹងរបស់មានតម្លៃជាច្រើន នៅឆ្នេរ Riviera ប្រទេសបារាំង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សDee Devlin ដៃគូជីវិតតែម្នាក់គត់របស់បុរសម្នាក់នេះ បានជូនកាដូដ៏អស្ចារ្យតម្លៃរាប់សែនដុល្លារ នោះគឺនាឡិកាម៉ាក Casino ដែលមានតម្លៃ ៥សែនផោន (ប្រមាន៦សែនដុល្លារ) ជាពិសេសក្នុងថ្ងៃកំណើតមួយនេះ។
នៅក្នុងពិធីជប់លៀង គេក៏បានឃើញវត្តមានស្រាវីស្គី (Proper Twelve whiskey) ដែល Cornor ជាម្ចាស់ក្រុមហ៊ុនស្រានេះផ្ទាល់។ ជាមួយគ្នានេះ ឡានទំនើបម៉ាក Lamborghini ពណ៌ក្រហម ក៏ត្រូវបានគេឃើញក្នុងរូបភាពដែល Conor បានបង្ហោះដែរ។
ជាពិសេសសម្លៀកបំពាក់មួយឈុតដែលគាត់ថតនៅនឹងមុខឡានក្រហមនេះ មានតម្លៃថ្លៃនឹកស្មានមិនដល់ តួយ៉ាងអាវសាច់ក្រណាត់ដៃខ្លីដែលគាត់ពាក់នោះមានតម្លៃ ៤៥០ផោន (ឬប្រមាណ ៥៦៥ដុល្លារ) ចំណែកឯខោខ្លីពណ៌ស មានតម្លៃ ៣៣៧ផោន (ឬប្រហែល ៤២៣ដុល្លារ)។
អាហារពេលល្ងាច ជាមួយនឹងទេសភាពដ៏ស្រស់ស្អាត ព្រមជាមួយនឹងមុខម្ហូបថ្លៃៗ នេះហើយសម្រាប់ថ្ងៃពិសេសរបស់ អតីតស្តេចវាយក្នុងទ្រុង Conor McGregor៕
ប្រភព៖ The Sun