បរទេស៖ ក្លិបអ្នកមានបុណ្យ Barcelona កំពុងតែញាប់ដៃញាប់ជើងក្នុងការចរចាទិញកីឡាករវ័យ២២ឆ្នាំ Lautaro Martinez មករួមក្រុម ដោយមានគូរប្រជែងធំមួយកំពុងតែចង់បានតារាឆ្នើមរូបនេះដែរនោះ គឺក្លិបអ្នកមាន Manchester City ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករជម្រើសជាតិអាហ្សង់ទីន ជាគោលដៅធំបំផុតដែលក្លិប Barcelona តាមទិញនៅរដូវក្ដៅនេះ ដោយមើលឃើញថារូបគេអាចនឹងមានលទ្ធភាពរកគ្រាប់បាល់ដូចទៅនឹងជើងស៊ុត Luis Suarez បាន។ ជាមួយគ្នានេះដែរក្លិប Inter Milan ទាមទាររហូតដល់៩៨.៨លានផោន (ឬ១២៤លានដុល្លារ) ឯណោះបើសិនជា Barcelona ចង់បានរូបគេនោះ ហើយក្នុងនោះ Barca ក៏កំពុងតែមានការព្រួយបារម្ភមិនតិចដែរ ដោយសារតែក្លិបរបស់លោក Pep Guardiola ក៏មានចំណាប់អារម្មណ៍ចង់បាន Martinez ទៅរួមក្រុម។
ដោយឡែកក្លិប Barcelona កំពុងតែត្រៀមវ៉ៃចេញកីឡាករជួរមុខរបស់ក្លិបរហូតដល់៥នាក់ ដើម្បីបង្គ្រប់ទុនទិញយក Martinez ។ នៅក្នុងនោះដែរក្លិបយក្សតំបន់កាតាឡាន់ ចង់យកតារាជួរមុខរបស់ខ្លួនម្នាក់ក្នុងចំណោមកីឡាករ Arturo Vidal, Ivan Rakitic ឬ Samuel Umtiti ដើម្បីដាក់បញ្ចូលក្នុងកិច្ចព្រមព្រៀង ដោះដូរយកជើងស៊ុតអាហ្សង់ទីនម្នាក់នេះ។
មួយវិញទៀត Barca អាចធ្វើការលក់ចេញកីឡាករធ្លាក់កូដ Ousmane Dembele ដើម្បីប្រមែលប្រមូលទុន ខណៈដែលអាចមានលក្ខខ័ណ្ឌមួយទៀតគឺឲ្យកីឡាករ Junior Firpo ទៅ Inter ដោយថែមលុយឲ្យ៣៧លានផោន (ឬ៤៧លានដុល្លារ) ពីលើទៀត៕
ប្រភព៖ sportsmole