អង់គ្លេស៖ ជាការពិតណាស់ កីឡាករចំណូលថ្មី Bruno Fernandes កំពុងតែគ្រងអាវលេខ១៨ ដែលជាលេខរបស់អតីតខ្សែបម្រើឆ្នើមក្រុម Man UTD លោក Paul Scholes ប៉ុន្តែស្ទាយន៍លេងរបស់កីឡាករទាំងពីរនេះមិនដូចគ្នានោះទេ។ ហើយបើតាមរបាយការណ៍បានឲ្យដឹងថា Manchester United កំពុងតែតាមទិញកីឡាករ Thiago Alcantara ដោយមើលឃើញថារូបគេអាចនឹងមកស្នងតំណែង Paul Scholes បាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សគួររម្លឹកដែរថាកាលពី Paul Scholes នៅជាកីឡាករនោះក្លិប Man Utd មិនសូវជាមានការព្រួយបារម្ភក្នុងការទិញខ្សែបម្រើមកជំនួសកីឡាកររូបនេះឡើយ ដោយសាររូបគេមិនព្រមចាកចេញទៅណាក្រៅពីក្លិបមួយនេះ។ Scholes បង្ហាញខ្លួនឲ្យ Man Utd សរុបបាន៧១៨ប្រកួត ដោយឈ្នះពាន Premier League ជាមួយក្លិបដែលមានមូលដ្ឋាននៅទីក្រុង Manchester មួយនេះបានចំនួន១១លើកឯណោះ។
ក្នុងនោះ នៅពេលដែលលោក David Moyes នៅជាអ្នកដឹកនាំ Man Utd នោះ រូបលោកក៏មានចំណាប់អារម្មណ៍ចង់ទិញកីឡាករ Thiago ដើម្បីយកមកជំនួស Scholes ផងដែរ ប៉ុន្តែត្រូវបានក្លិប Bayern Munich ទិញបានមុន ហើយ Man Utd ក៏បានទិញកីឡាករ Marouane Fellaini មកជំនួស។
យ៉ាងណាមិញ Man Utd កំពុងតែចង់បាន Thiago មកស្នងតំណែង Paul Scholes នៅទីផ្សារដោះដូរកីឡាករខាងមុខនេះ ដោយសារសមត្ថភាពនៃការប៉ះបាល់ និងបញ្ចប់ទីរបស់កីឡាករទាំងពីរនេះមានភាពស្រដៀងគ្នាខ្លាំង។ ដោយឡែក Man Utd ក៏កំពុងមានគូប្រជែងធំមួយដែរគឺក្លិប Liverpool ដែលកំពុងតាមយ៉ាងស្អិតក្នុងការចរចាទិញតារាវ័យ២៨ឆ្នាំរូបនេះទៅរួមក្រុម៕
ប្រភព៖ express