លើកនេះ ទេព បូព្រឹក្ស បង្ហាញគ្រឿងពេជ្រទាំងឈុតៗ ថ្លៃៗមិនធម្មតា!

ភ្នំពេញ៖ តារាចម្រៀងស្រីល្បីឈ្មោះ កញ្ញា ទេព បូព្រឹក្ស កាន់តែមានជីវិតហ៊ឺហារ ឆើតឆាយជាពេលមុនៗ ក្រោយជោគជ័យខ្លាំងលើវិថីសិល្បៈ បានមកពីការខំប្រឹងប្រែងកន្លងមក ជាពិសេស នាងក៏មានមុខជំនួញផ្ទាល់ខ្លួនកំពុងកាក់កបផងដែរ។

យ៉ាងណាមិញ មួយរយៈចុងក្រោយនេះ យើងសង្កេតឃើញតារាស្រីរូបនេះ តែងតែចំណាយលុយដែលរកបាន យកទៅទិញគ្រឿពេជ្រទាំងឈុតៗ មិនថាខ្សែក ខ្សែដៃ ចិញ្ជៀន ឬនាឡិកាឡើយ។ ដោយរាល់គ្រឿងអលង្ការដែលតារាស្រីនេះ បានពាក់សុទ្ធតែជាពេជ្រសុទ្ធតែម្ដង ស្របពេលដែលថ្មីៗនេះ នាងក៏បានចំនាយលុយទិញគ្រឿងពេជ្រថ្មី រហូតដល់ ៣៣៣៣២ ដុល្លារ សម្រាប់ឈុតពេជ្រថ្មីរបស់នាង។

ជាក់ស្ដែង ប៉ុន្មានម៉ោងមុននេះ កញ្ញា ទេព បូព្រឹក្ស បានបង្ហោះវីដេអូ បង្ហាញគ្រឿងពេជ្រទាំងឈុតៗសារជាថ្មី ដែលទិញលុយខ្លួនឯង និងគូស្នេហ៍របស់នាងផ្ទាល់ទិញជូនផងដែរ។ ក្នុងនោះដែរ ពេជ្រដែលនាងបានទិញ ពិតជាបានរចនាម៉ូតយ៉ាងស្រស់ស្អាត ពេលនាងពាក់ពិតជាសាកសម មានជាច្រើនឈុត រីឯតម្លៃវិញក៏មិនតិចនោះដែរ។

គួរបញ្ជាក់ផងដែរថា កញ្ញា ទេព បូព្រឹក្ស ជាតារាស្រីដែលនិយមទិញគ្រឿងពេជ្រខ្លាំង មិនតែប៉ុណ្ណោះ នាងតែងតែទិញ ឬដូរគ្រឿងពេជ្រជានិច្ច ដោយមូលហេតុដែលនាងចូលចិត្តទិញពេជ្របែបនេះ មកពីវាជាចំណូលចិត្តផ្ទាល់ខ្លួន ហើយណាមួយវាអាចលក់វិញបាន ពេលដែលត្រូវការលុយ ម្យ៉ាងទៀតវាក៏ជាវិធីសន្សំលុយរបស់នាងផងដែរ៕

សូមទស្សនារូបភាពខាងក្រោម៖​