បរទេស៖ កំពូលអ្នកប្រដាល់អាមេរិក Floyd Mayweather បានកំពុងពិភាក្សាដើម្បីចូលប្រកួតម្តងទៀតនៅប្រទេសជប៉ុន ប៉ុន្តែត្រូវបានរារាំងដោយការហោះហើរ។ ការរាតត្បាតនៃវីរុសកូរ៉ូណា បានរាំងស្ទះមិនឲ្យបុរសវ័យ ៤៣ឆ្នាំរូបនេះ ហោះចេញទៅទីក្រុងតូក្យូ ជួបនិយាយពីការប្រកួតដែលចំណេញរាប់លានដុល្លារ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលពីឆ្នាំ២០១៨ Floyd បានប្រកួតជាមួយកីឡាករប្រដាល់វ័យក្មេងជនជាតិជប៉ុន Tenshin Nasukawa ដោយផ្តួលកីឡាកររូបនេះត្រឹមតែ២នាទីប៉ុណ្ណោះ រកបានប្រាក់៧លានដុល្លារ។
យោងតាមប្រភពសង្វៀន RIZIN របស់ជប៉ុន បានឲ្យដឹងថា កីឡាករអាមេរិករូបនេះកំពុងតែពិភាក្សាគ្នាអំពី ការប្រកួតសារជាថ្មីនៅជប៉ុន។
Floyd ក៏ធ្លាប់បានបង្ហោះសារនៅលើគណនី Instagram របស់ខ្លួនដែលថានឹងជិះយន្តហោះផ្ទាល់ខ្លួនរបស់លោក ទៅពិភាក្សានៅជប៉ុន និងបានប្រាប់អ្នកគាំទ្រឲ្យរង់ចាំមើលថានឹងមានអ្វីកើតឡើង ប៉ុន្តែការបិទច្រកព្រំដែនអន្តជាតិគឺជាបញ្ហាធំសម្រាប់ការធ្វើដំណើរនេះ៕
ប្រភព៖ The Sun