អង់គ្លេស៖ ក្រុមតោខៀវ Chelsea បានរក្សាតំណែងលេខ៣របស់ខ្លួន ក្នុងតារាង Premier League សប្ដាហ៍ទី៣៦ ក្រោយយកឈ្នះទៅលើក្រុមចាបលឿង Norwich City ទាំងប្រផិតប្រផើយ ដោយលទ្ធផល១ទល់នឹង០។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតដែលប្រព្រឹត្តទៅនៅកីឡដ្ឋាន Stamford Bridge កាលពីម្សិលមិញ ក្រុមម្ចាស់ផ្ទះ មានឱកាសសម្រុកដាក់គំនាបខ្លាំងទៅលើក្រុមភ្ញៀវ ជាក់ស្ដែង Chelsea ស៊ុតបាន១៨ជើងឯណោះ ចំគោលដៅ៦ដង សម្រេចទីបាន១គ្រាប់ ចំណែកឯក្រុម Norwich វិញ ស៊ុតបាន១ជើងប៉ុណ្ណោះ មិនចំគោលដៅសូម្បីតែម្ដង។
១គ្រាប់ធានា៣ពិន្ទុ សម្រាប់ Chelsea រកបានដោយខ្សែប្រយុទ្ធសញ្ជាតិបារាំង Olivier Giroud នៅនាទីទី៤៥+៣ ដែលជាការតែតចាក់អន្ទង់បញ្ចូលទីយ៉ាងអស្ចារ្យ ក្រោយទទួលបានបាល់ពីខ្សែបម្រើ Christian Pulisic។
តាមរយៈលទ្ធផលនេះ បានជួយក្រុមលោក Frank Lampard រក្សាគម្លាត ៤ពិន្ទុ ពីក្រុមលេខ៤ Leicester City និង លេខ៥ Manchester United ខណៈ២ប្រកួត ចុងក្រោយរបស់ Chelsea មុនបិទរដូវកាល គឺត្រូវប៉ះក្រុម Liverpool ក្រៅដី និងប៉ះក្រុមឡើងកូដ Wolves ក្នុងដី។
ដោយឡែកសម្រាប់ក្រុម Norwich វិញ ទោះបីជាពីរប្រកួត ចុងក្រោយពួកគេឈ្នះក៏ដោយ ក៏មិនអាចជួយស្រោចស្រង់ក្រុមរហស្សនាមចាបលឿងមួយនេះ ចេញពីតំបន់ដែលគេកាត់ចោលដែរ ដោយសារតែចាញ់ពិន្ទុក្រុមលេខ១៧ Watford រហូតដល់១៣ពិន្ទុឯណោះ៕
បើចង់ឃើញការតែតរបស់ Giroud ល្អយ៉ាងណានោះ សូមទស្សនាវីដេអូខាងក្រោម៖