បរទេស៖ ជាការពិតណាស់នៅក្នុងឆ្នាំ២០១៨ នៅពេលដែលកីឡាករ Virgil van Dijk មកចូលរួមជាមួយនឹងក្លិប Liverpool នោះ រូបគេត្រូវតែលើកអាវដែលមានឈ្មោះនិងលេខរបស់គេដើម្បីផ្តិតរូបទុកជាអនុស្សាវរីយ៍។ ផ្ទុយស្រឡះពីកីឡាករដទៃទៀតដែលដាក់នាមត្រកូល តារាឆ្នើមរូបនេះដាក់ត្រឹមតែនាមខ្លួនរបស់គេប៉ុណ្ណោះនៅលើអាវ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
បើតាមសម្តីរបស់ឪពុកមារបស់កីឡាកររូបនេះបានឲ្យដឹងថា ហេតុផលដែលនៅពីក្រោយការដាក់តែនាមខ្លួនរបស់គេនៅលើអាវនោះ ក៏ព្រោះតែបញ្ហាគ្រួសារដែល Virgil មិនអាចបំភ្លេចបានកាលពីគេនៅអាយុ១២ឆ្នាំ។
ឪពុកបង្កើតរបស់ Virgil បានចាកចេញពីគ្រួសារនៅពេលដែលគេមានអាយុ១២ឆ្នាំ ដោយទុកឲ្យម្តាយចិញ្ចឹមបីបាច់រូបគេតែម្នាក់ឯង ស្របពេលដែលស្ថានភាពគ្រួសារកំពុងតែពិបាកខ្លាំងនៅ ពេលនោះ។ ដោយសារតែមូលហេតុដ៏សោកសៅនេះហើយបានជាធ្វើឲ្យ Virgil នៅតែមានកំហឹងមិនអាចបំភ្លេចបាន ហើយរូបគេបានសម្រេចចិត្តជាដាច់ខាតថាមិនដាក់ឈ្មោះឪពុក នៅលើអាវរបស់ខ្លួនឡើយ។
បើទោះបីជាមានអតីតកាលដ៏ជូរចត់យ៉ាងនេះក្ដី កីឡាករ Virgil van Dijk បានខិតខំប្រឹងប្រែងរហូតដល់តែអាចក្លាយជាកំពូលកីឡាករម្នាក់នាពេលបច្ចុប្បន្ននេះ។ ជាមួយគ្នានេះរូបគេបានជួយឲ្យក្លិបហង្សក្រហម Liverpool ឈ្នះពានសំខាន់ៗជាច្រើនជាពិសេសគឺពាន Champions League នៅរដូវកាលមុន និងពាន Premier League នារដូវកាលនេះផងដែរ៕
ប្រភព៖ mirror
Bong I.T