កូរ៉េខាងត្បូង៖ មជ្ឈមណ្ឌលការពារជំងឺឆ្លងរបស់កូរ៉េខាងត្បូងបានរាយការណ៍កាលពីថ្ងៃអង្គារនេះថា មេរោគអេដស៍ (HIV) កំពុងរីករាលដាលនៅក្នុងប្រទេសកូរ៉េខាងត្បូង ហើយទំនាក់ទំនងរវាងមនុស្ស ភេទដូចគ្នាគឺជាកត្តាដែលរួមចំណែកអោយមានការឆ្លងថ្មីកើនឡើង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងចំណោមករណីមេរោគអេដស៍ទាំងនោះត្រូវបានបញ្ជាក់ថា មានប្រភពចេញពីទំនាក់ទំនងផ្លូវភេទកាលពីឆ្នាំមុន ដោយជាងពាក់កណ្តាលនៃករណីទាំងនោះត្រូវបានគេសន្មត់ថាជាទំនាក់ទំនងរវាងមនុស្សភេទដូចគ្នា។
ចំនួនសរុបប្រមាណ ១,២២២ ករណីដែលមានផ្ទុកមេរោគអេដស៍ (HIV) ឬ(AIDS) នៅក្នុងប្រទេសនេះ ដោយជនជាតិកូរ៉េខាងត្បូងមានចំនួន ១,០០៥ នាក់ និងមិនមែនជាជនជាតិកូរ៉េចំនួន ២១៧ នាក់ត្រូវបានរាយការណ៍ទៅអាជ្ញាធរសុខាភិបាលកាលពីឆ្នាំមុនគឺកើនឡើង ១,៣ ភាគរយ បើធៀបនឹងឆ្នាំ ២០១៨ ដែលជាចំនួនសរុបប្រចាំឆ្នាំធំបំផុតមិនធ្លាប់មានចាប់តាំងពីរដ្ឋាភិបាលបានចាប់ផ្តើមរាប់នៅឆ្នាំ ១៩៨៥ ។
គួរបញ្ជាក់ដែរថា អ្នកជំងឺ ៩ នាក់ក្នុងចំណោម ១០ នាក់គឺជាបុរស។ ជាងនេះទៀត អ្នកដែលមានអាយុចន្លោះ ២០ ឆ្នាំ (៣៥,៨ ភាគរយ) និងអាយុចន្លោះ ៣០ ឆ្នាំ (២៧,៩ ភាគរយ) ដែលស្មើនឹងចំនួន ៦៣,៧ ភាគរយនៃចំនួនអ្នកបានឆ្លងសរុប។
ក្នុងចំណោមប្រជាជនកូរ៉េខាងត្បូងចំនួន ១,០០៥ នាក់មានផ្ទុកមេរោគអេដស៍ ហើយអ្នកផ្ទុកជំងឺនេះប្រមាណ ៨១.៧ ភាគរយបាននិយាយថា ពួកគេអាចនឹងឆ្លងតាមរយៈការរួមភេទ។
ផ្អែកលើប្រវត្តិរបស់អ្នកជំងឺ នេះជាលើកដំបូងនៅកូរ៉េខាងត្បូងដែលមានករណីឆ្លងជាច្រើនត្រូវបានគេសន្មត់ថាមានទំនាក់ទំនងភេទដូចគ្នា (៥៣,៨ ភាគរយ) ច្រើនជាងទំនាក់ទំនងភេទផ្ទុយគ្នា (៤៦,២ ភាគរយ) ។
កត្តាចម្បងដែលមេរោគអេដស៍ត្រូវបានរីករាលដាលរួមមាន៖ ការរួមភេទដោយមិនបានការពារ ការបញ្ចូលឈាមដែលមានផ្ទុកមេរោគ ការប្រើប្រាស់ម្ជុលចាក់ថ្នាំរួមគ្នា ការចម្លងពីម្តាយទៅកូនអំឡុងពេលមានផ្ទៃពោះ និងការបំបៅកូនដោយទឹកដោះ។ ទឹកមាត់ ញើស និងទឹកភ្នែកមិនអាចចម្លងមេរោគនេះបានទេ៕
ប្រភព៖ The Korea Herald