Angela baby កាន់តែបង្ហាញមុខកូន តាមសាធារណៈ មើលទៅដូចប៉ាៗបេះបិទ

ចិន៖ និយាយដោយស្មោះត្រង់ ពេលខ្លះអ្នករាល់គ្នាប្រហែលភ្លេចថា Angelababy បានរៀបការជាមួយតារាសម្តែងចិន Huang Xiaoming គឺជាម្តាយរបស់ក្មេងប្រុសអាយុ ៣ ឆ្នាំ បន្ថែមពីលើ មុខមាត់មុខមាត់ក្មេងខ្ចីវ័យ ៣១ ឆ្នាំរូបនេះ ក៏កម្រនិយាយអំពី ឬចែករំលែករូបថត កូនប្រុសរបស់នាង ដែលមានរហស្សនាមថា «Little Sponge» ​ដែរ។   

ជាក់ស្តែង ដោយតារាស្រីរូបនេះ មិនអាចឃ្លាតពីកូនបានឡើយ ហេតុដូច្នេះ Angelababy តែងតែយកកូនប្រុសសំណព្វចិត្តរបស់នាង យកតាមគ្រប់ទីកន្លែងដែលបានទៅដល់ ទោះជាយ៉ាងណាក្តី ក៏អ្នកសារព័ត៌មាន ពិបាកប្រមាញ់រូបភាពមុខមាត់ពិតកូនប្រុសនាង ព្រោះតារាស្រីរូបនេះ កម្របញ្ចេញមុខ កូនតាមសាធារណៈណាស់។

តែដោយកាលពីថ្មីៗនេះ រូបភាពរបស់ កូនប្រុស របស់តារាសម្តែង Huang Xiaoming ត្រូវបានចែកចាយលើបណ្តាញសង្គម នៅក្នុងអាងហែលទឹកមួយកន្លែង ដែលក្នុងនោះ ក៏មានវត្តមាន របស់ តារាស្រីរូបនេះ តែអ្វីដែលគួរឲ្យពិសេសនោះ មហាជនបានកត់សម្គាល់នៅក្នុងរូបថតថ្មីនេះ​ គឺកូនប្រុសរបស់អ្នកទាំងពីរ ត្រូវបានបង្ហាញមុខ។

ក្នុងនោះផងដែរ សារព័ត៌មានបានធ្វើអត្ថាធិប្បាយអំពី កូនប្រុសតូច តារាសម្តែងប្រុស Huang Xiaoming ពិតជាមានសម្រស់ស្រស់ស្អាត ដូចឪពុកកាលពីនៅក្មេង លើសពីនេះទៅទៀត ហ្វេនៗបានកោតសរសើររាប់មិនអស់ ពីរូបគេមានអាយុត្រឹមតែ 3 ឆ្នាំប៉ុណ្ណោះ ប៉ុន្តែកម្ពស់កំពុង លូតលាស់លឿនបានយ៉ាងល្អផងដែរ៕

សូមទស្សនារូបខាងក្រោម៖