ភ្នំពេញ៖ ក្រោយយសម្រាកមួយរយៈ ពេលនេះកីឡាករ ឯម ខ្លឹមខ្មៅ បានវិលត្រលប់មកធ្វើការប្រកួតវិញហើយនាសប្តាហ៍នេះ ដោយត្រូវប៉ះជាមួយ ឡុង ជិន នៅសង្វៀនទូរទស្សន៍ភីអិនអិនថ្ងៃអាទិត្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្វីដែលគួរឲ្យគត់សម្គាល់មួយទៀតនោះគឺ កីឡាករ ឡុង ជិន ក៏បានវិលចូលសង្វៀនវិញដូចគ្នា ក្រោយមិនគោរពវិន័យ ចាកចេញពីក្លិបដោយគ្មានមូលហេតុ។ បន្ទាប់ពីចេញវីដេអូសុំទោសដល់ក្លិប សុំការលើកលែងកំហុសរបស់ខ្លួន កាលពីខែមុន ឥឡូវគេបានត្រលប់ចូលសង្វៀនវិញហើយ។
ក្នុងសប្តាហ៍នេះ អ្នកទាំងពីរនឹងត្រូវប៉ះគ្នាក្នុងគូឯករង នាប្រភេទទម្ងន់៦៣.៥គីឡូក្រាម។ ប្រិយមិត្តជាច្រើនប្រាកដជាអន្ទះសាចង់ឃើញការប្រកួតរវាងអ្នកទាំងពីរ តើអាចធ្វើឲ្យកក្រើក និងទាក់ទាញប្រជាប្រិយភាពបានមកវិញទេ ក្រោយពីការសម្រាក៕
ប្រភព៖ Samnob Kun Khmer