ថៃ៖ កាលពីជាងពីរខែមុន ប្ដីប្រពន្ធ តារាសម្ដែង Margie Rasi និងតារាចម្រៀងរ៉េប Pok បានបង្ហាញរូបភាពមួយចំនួន នៅលើគណនី Instagram របស់ខ្លួន អំពីទិដ្ឋភាពកំពុងសាងសង់ផ្ទះថ្មីរបស់ពួកគេ យ៉ាងធំស្កឹមស្កៃ នៅក្បែរទន្លេចៅប្រាយ៉ា ដែលត្រូវបានសាងសង់ នៅលើផ្ទៃដីរាប់សិបហិចតា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះផងដែរ យើងឃើញថា បើទោះបីជា ផ្ទះវីឡារបស់ប្ដីប្រពន្ធ Goal មួយគូនេះ ទើបតែចាប់ផ្ដើមសាងសង់ មិនទាន់រួចរាល់មួយរយភាគរយពិតមែន ប៉ុន្តែបើតាមការសន្និដ្ឋាន ផ្ទះនោះអាចនឹង ចំណាយអស់រាប់ម៉ឺនដុល្លារ ព្រោះតែទំហំ និងការរៀបចំ ពិតជាធំស្កឹមស្កៃ និងប្រណីតខ្លាំងមែនទែន។
យ៉ាងណាមិញ កាលពីពេលថ្មីៗនេះ ស្រាប់តែ ពីរនាក់ប្ដីប្រពន្ធនេះ បានធ្វើការបង្ហាញទិដ្ឋភាព បន្ទប់គំរូនានា ដូចជា បន្ទប់ចង្ក្រាន្តបាយ បន្ទប់ធ្វើការ បន្ទប់ទឹក និងកន្លែងផ្សេងៗទៀត ដែលសុទ្ធសឹងតែ មានការរៀបចំបានយ៉ាងល្អ ទាក់ទាញភ្នែកខ្លាំងមិនធម្មតា ពិសេស ពួកគេគ្រោងនឹងចាយលុយទៅលើការរៀបចំកន្លែងទាំងនោះ ដែលត្រូវចំណាយអស់រហូតទៅដល់ ខ្ទង់លានបាតថែមទៀតផង។ ក្រោយឃើញបែបនេះ មានហ្វេនៗ ជាច្រើន លាន់មាត់ស្ញើចសរសើរគ្រប់គ្នា។
គួររំឮកផងដែរថា តារាសម្ដែង Margie ក៏ជាតារាសម្ដែងដែលលេចធ្លោ និងសាងភាពល្បីល្បាញច្រើនរាប់មិនអស់ផងដែរ នៅក្នុងរឿងភាគល្បីៗនានា ពិសេសនៅពេលបានចាប់ដៃសាងជីវិតគ្រួសារ ជាមួយតារាចម្រៀងរ៉េប Pok អ្នកទាំងពីរក៏កាន់តែ មានអ្នកគាំទ្រស្គាល់ កាន់តែច្រើន ក្រោយពួកគេ ទទួលបានកូនភ្លោះពីរនាក់ទៀតជាចំណងដៃ៕
ទស្សនារូបភាពគំរូបន្ទប់របស់ Margie និង Pok ដូចខាងក្រោម៖