បរទេស៖ យន្តហោះស៊ើបការណ៍អាមេរិកមួយគ្រឿង បានហោះក្បែរតំបន់ឆ្នេរសមុទ្រខេត្តក្វាងទុង ភាគខាងត្បូងប្រទេសចិន នៅក្នុងប្រតិបត្តិការដ៏កម្រមួយ ដែលគេជឿជាក់ថា វាត្រូវបានរៀបចំឡើង ដើម្បីធ្វើការតាមដានរាល់សកម្មភាពយោធានៅតាមឆ្នេរសមុទ្រ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយន្តហោះស៊ើបការណ៍ E-8C បានហោះនៅចម្ងាយប្រហែល ១១០គីឡូម៉ែត្រពីឆ្នេរសមុទ្រចិន ចំពេលដែលកោះតៃវ៉ាន់ធ្វើសមយុទ្ធយោធាធំបំផុតប្រចាំឆ្នាំ ដែលមានឈ្មោះថា Han Kuang កាលពីថ្ងៃចន្ទម្សិលមិញនេះ ដោយមានការចូលរួមពីកងវរសេនាតូច ក៏ដូចជាកងកម្លាំងប្រតិបត្ដិការពិសេស ក្នុងការអនុវត្តន៍បាញ់គ្រាប់មីស៊ីលបំពាក់លើនាវាមុជទឹក និងការបាញ់គ្រាប់ពិតផ្សេងៗទៀត។
សូមជម្រាបផងដែរថា សកម្មភាពបញ្ជូនយន្តហោះស៊ើបការណ៍នៅឆ្នេរតាមសមុទ្រនេះ ត្រូវបានធ្វើឡើងស្របពេលដែលទំនាក់ទំនងរវាងសហរដ្ឋអាមេរិកនិងចិន កាន់តែយ៉ាប់យ៉ឺនពីមួយថ្ងៃទៅមួយថ្ងៃ។ ហើយកាលពីដើមឆ្នាំនេះ ទីក្រុងវ៉ាស៊ីនតោន បានបង្កើនលក់អាវុធ រួមទាំងបង្កើនទំនាក់ទំនងជាមួយកោះតៃវ៉ាន់ ខណៈដែលប្រទេសចិនបានចាត់ទុកថា កោះតៃវ៉ាន់គឺជាខេត្តដាច់ស្រយាលរបស់ខ្លួន ដែលត្រូវតែបង្រួបបង្រួមគ្នាវិញ។ លើសពីនេះ ប្រទេសចិន ក៏អាចមិនយល់ព្រមឱ្យកោះនេះ ប្រកាសខ្លួនជាកោះឯករាជ្យដែរ៕