ប្ដីប្រពន្ធមួយគូ សុខចិត្ដរៀបការនៅចំពោះមុខសពឪពុក ព្រោះមិនចង់ឲ្យព្រលឹងឪពុកខនខានការចូលរួម

ឥណ្ឌូណេស៊ី៖ ថ្មីៗនេះ គូស្វាមីភរិយាជនជាតិឥណ្ឌូណេស៊ីមួយគូ បានរៀបមង្គលការនៅចំពោះមុខសាកសពឪពុករបស់កូនកំលោះ ដើម្បីប្រាកដថា ព្រលឹងរបស់គាត់នឹងមិនខកខានក្នុងឳកាសដ៏ពិសេសរបស់ពួកគេឡើយ។

លោក រូម៉ាតហូនី ដែលត្រូវជាកូនបានឲ្យដឹងថា នៅថ្ងៃទី១០ ខែកក្កដាកន្លងទៅនេះ ឪពុករបស់លោកបានទទួលមរណភាព ដោយសារជំងឺគាំងបេះដូង ខណៈពេលកំពុងលេងកីឡា។ ហើយរយៈពេល ៥ម៉ោងបន្ទាប់ពីឪពុកបានចែកឋានទៅ លោកនិងភរិយាក៏សម្រេចចិត្ដរៀបចំពិធីមង្គលការយ៉ាងតក់ក្រហល់តែម្ដង។

លោក រូម៉ាតហូនី បានបន្ដថា​៖​

យ៉ាងណាមិញ បន្ទាប់ពីពិធីទាំងមូលបានចប់សព្វគ្រប់ហើយ សាកសពរបស់ឪពុកលោក រូម៉ាតហូនី ក៏ត្រូវបានគេយកទៅបញ្ចុះផងដែរ។

បើយោងតាមលោក កូតា ជាប្រធានផ្នែកកិច្ចការសាសនាបានឲ្យដឹងថា លោក រូម៉ាតហូនី និងភរិយាគ្រោងនឹងរៀបការជាមួយគ្នា មុនពេលជំងឺកូវីដ-១៩ផ្ទុះឡើងមកម្ល៉េះ ប៉ុន្ដែដោយសារមិនទាន់ប្រាកដប្រជា ពិធីនេះត្រូវបានពន្យារពេល ហើយគ្រោងនឹងរៀបចំនាចុងឆ្នាំ២០២០នេះ។ តែទោះជាយ៉ាងណាក៏ដោយ ការបរិច្ឆេទត្រូវបានផ្លាស់ប្ដូរម្ដងទៀត នៅពេលឪពុករបស់លោក រូម៉ាតហូនី ចែកឋាន៕

សូមទស្សនារូបភាពខាងក្រោម៖